പാകിസ്ഥാൻ അഫ്ഗാനികളെ കൊന്നൊടുക്കുന്നു!!! യുഎസിൽ അഫ്ഗാൻ പതാകയേന്തി പാകിസ്ഥാനെതിരെ അഫ്ഗാനികളുടെ പ്രതിഷേധം; വീഡിയോ കാണാം

ഹൂസ്റ്റൺ: അഫ്ഗാനിലെ പാകിസ്ഥാൻ ഇടപെടലിനെതിരെ ദിനംപ്രതി പ്രതിഷേധം ശക്തമായിക്കൊണ്ടിരിക്കുകയാണ്. ഇക്കഴിഞ്ഞ ദിവസങ്ങളിൽ അഫ്ഗാനിസ്ഥാനിൽ ശക്തമായ പ്രക്ഷോഭങ്ങളാണ് പാകിസ്ഥാൻ താലിബാനെ പിന്തുണയ്ക്കുന്നതിനെതിരെ ഉണ്ടായത്. ഇപ്പോഴിതാ അമേരിക്കയിലും പ്രതിഷേധം കനക്കുകയാണ്. അമേരിക്കയിലെ അഫ്ഗാൻ പൗരന്മാർ പാകിസ്ഥാന്റെ ഭീകരതയെ പിന്തുണയ്ക്കുന്ന ചെയ്തികൾക്കെതിരെ പ്രക്ഷോഭവുമായി എത്തിയിരിക്കുകയാണ്.

അഫ്ഗാൻ പതാകകളേന്തിയാണ് പൗരന്മാർ തെരുവിലേക്കിറങ്ങിയത്. പ്ലക്കാർഡുകളും, പാകിസ്ഥാനെതിരെ മുദ്രാവാക്യങ്ങളും വിളിച്ചുകൊണ്ടായിരുന്നു പ്രതിഷേധം. താലിബാൻ ലോകത്തിനു തന്നെ ഭീഷണിയാണ്. താലിബാനെ പിന്തുണയ്ക്കുന്നതിലൂടെ പാകിസ്ഥാനും ഭീകരരെ വളർത്താനാണ് ശ്രമിക്കുന്നതെന്നും, അഫ്ഗാനികളെ കൊന്നൊടുക്കാനാണ് പാകിസ്ഥാൻ ശ്രമിക്കുന്നതെന്നും പ്രക്ഷോഭകർ തുറന്നടിച്ചു.

അതേസമയം താലിബാൻ കാബൂൾ ഉൾപ്പെടെ കീഴടിക്കിയിരുന്നുവെങ്കിലും പ്രധാന പ്രവിശ്യയായ പാഞ്ച്ശീർ പിടിച്ചെടുത്തിരുന്നില്ല. എന്നാൽ പാകിസ്ഥാൻ ഇവിടേയ്ക്ക് നുഴഞ്ഞുകയറി ബോംബ് ആക്രമണം നടത്തിയതുമൂലമാണ് താലിബാൻ പാഞ്ച്ശീർ പിടിച്ചെടുത്തത്. ഇതിനുപിന്നാലെ പാകിസ്ഥാനെതിരെ ശക്തമായ പ്രക്ഷോഭങ്ങളാണ് ലോകമെമ്പാടും നടന്നുകൊണ്ടിരിക്കുന്നത്. യുഎന്നിലുൾപ്പെടെ പാകിസ്ഥാന്റെ ഭീകരതയെ പിന്തുണയ്ക്കുന്ന നിലപാടിനെതിരെ ലോകരാഷ്ട്രങ്ങൾ രംഗത്തെത്തിയിരുന്നു.