ദില്ലി: ചാറ്റല്‍മഴയും മൂടല്‍മഞ്ഞും മൂലം ദില്ലിയില്‍ ട്രെയിന്‍ സര്‍വീസുകള്‍ തകരാറിലായി. 22 ട്രെയിനുകള്‍ റദ്ദാക്കി 13 എണ്ണം വൈകിയാണ് ഓടുന്നത്.
ഹൗറ-ന്യൂഡല്‍ഹി എക്സ്പ്രസ്, പുരി-ന്യൂഡല്‍ഹി എക്സ്പ്രസ്, ഗൊരഖ്പുര്‍-ന്യൂഡല്‍ഹി എക്സ്പ്രസ്, മുംബൈ-ന്യൂഡല്‍ഹി എക്സ്പ്രസ്, കാണ്‍പുര്‍-ദില്ലി എക്സ്പ്രസ് തുടങ്ങിയ ട്രെയിനുകളാണ് വൈകി ഓടുന്നത്.
ജനുവരി 21 മുതല്‍ ജനുവരി 23 വരെ പഞ്ചാബ്, ഹരിയാന, ദില്ലി, പടിഞ്ഞാറന്‍ ഉത്തര്‍പ്രദേശ്, വടക്കന്‍ രാജസ്ഥാന്‍ എന്നിവിടങ്ങളില്‍ വ്യാപകമായ മഴയ്ക്ക് സാധ്യതയുണ്ടെന്ന് കാലാവസ്ഥാ വകുപ്പ് അറിയിച്ചിട്ടുണ്ട്.
