പട്ടാമ്പി: കുട്ടികള്ക്കുനേരെ ലൈംഗികാതിക്രമം നടത്തിയ രണ്ടുപേര്ക്ക് തടവും പിഴയും. പത്തുവയസ്സുള്ള കുട്ടിക്ക് നേരെ ലൈംഗികാതിക്രമം കാണിച്ച കേസില് കുറുവട്ടൂര് തടത്തില് അബ്ബാസിന് (56) പട്ടാമ്പി ഫാസ്റ്റ് ട്രാക്ക് കോടതി ജഡ്ജി സതീഷ് കുമാര് അഞ്ചുവര്ഷം തടവും 50,000 രൂപ പിഴയും ശിക്ഷ വിധിച്ചു. എസ്.ഐ മാരായ അരുണ്കുമാര്, എം. ഷാജഹാന് എന്നിവര് അന്വേഷണം പൂര്ത്തിയാക്കി.
മറ്റൊരു കേസില് 14 വയസ്സുള്ള കുട്ടിയോട് ലൈംഗികാതിക്രമം കാണിച്ച കേസില് തമിഴ്നാട് കുട്ടമ്പേരി വെല്ലൂര് സ്വദേശി ശ്രീനിവാസന് (21) 21വര്ഷം കഠിന തടവും ഒരു ലക്ഷം രൂപ പിഴയും വിധിച്ചു. പ്രോസിക്യൂഷന് ഭാഗത്തുനിന്ന് 11 സാക്ഷികളെ വിസ്തരിച്ചു. 21രേഖകളും ഹാജരാക്കി. സി.ഐമാരായ പി.വി. രമേശ്, കെ.ജി. രമേശ്, എസ്.ഐ വേലായുധന് എന്നിവരാണ് കേസ് അനേഷണം നടത്തിയത്. പട്ടാമ്പി സ്റ്റേഷനിലെ ഹെഡ് കോണ്സ്റ്റബിള് മഹേശ്വരി പ്രോസിക്യൂഷനെ സഹായിച്ചു. രണ്ടുകേസിലും പിഴ സംഖ്യ ഇരക്ക് നല്കാനും കോടതി നിര്ദേശിച്ചു. പ്രോസിക്യൂഷനുവേണ്ടി അഡ്വ. എസ്. നിഷ വിജയകുമാര് ഹാജരായി.