ഇടുക്കി: സമൂഹമാധ്യമത്തിലൂടെ പരിചയപ്പെട്ട പ്രായപൂര്ത്തിയാകാത്ത പെണ്കുട്ടിയെ പീഡിപ്പിച്ച കേസിൽ പ്രതിയായ യുവാവ് അറസ്റ്റില്. ഇടുക്കി കൊക്കയാര് കൂട്ടിക്കല് സ്വദേശി കെ.ജെ. നിസാമുദ്ദീനെയാണ് പോലീസ് അറസ്റ്റ് ചെയ്തത്.
ചൊവ്വാഴ്ചയാണ് സംഭവം നടന്നത്. മാതാവിനും സഹോദരനുമൊപ്പം ബസില് എരുമേലി സ്റ്റാന്ഡില് ഇറങ്ങിയ പെണ്കുട്ടി മാതാവിനോട് വഴക്കിട്ട് മുണ്ടക്കയം ഭാഗത്തേക്ക് പോകുകയായിരുന്നു. തുടര്ന്ന് മാതാവിന്റെ പരാതിയില് പോലീസ് കേസെടുത്തിരുന്നു.
പെണ്കുട്ടിയുടെ മൊബൈല്ഫോണ് ലൊക്കേഷന് കേന്ദ്രീകരിച്ച് നടത്തിയ അന്വേഷണത്തില് പെരുവന്താനം കൊടികുത്തി ചെറുപാറയിലെ വീട്ടില് നിന്നും കുട്ടിയെ കണ്ടെത്തി. യുവാവിന്റെ സുഹൃത്തിന്റെ വീട്ടിൽ നിന്നാണ് എൻകുട്ടിയെ കണ്ടെത്തിയത്. എന്നാല്,പെണ്കുട്ടിയെ ഇയാള് പലസ്ഥലങ്ങളില് കൊണ്ടുപോയി പീഡിപ്പിച്ചിട്ടുണ്ടെന്ന് പോലീസ് കണ്ടെത്തി.
