ശ്രീനഗർ: ജമ്മുകശ്മീരിൽ വീണ്ടും ഭീകരാകരമണം. ബാരാമുള്ളയിൽ വിരമിച്ച പോലീസ് ഉദ്യോഗസ്ഥനെ ഭീകരർ കൊലപ്പെടുത്തി. പള്ളിയിൽ പ്രാർത്ഥന നടത്തുകയായിരുന്ന ബാരാമുള്ള സ്വദേശി മുഹമ്മദ് ഷാഫിയെ വെടിവച്ച് കൊലപ്പെടുത്തുകയായിരുന്നു. പ്രദേശത്ത് ഭീകര സാന്നിദ്ധ്യം സംശയിക്കുന്ന സുരക്ഷാ സേന കനത്ത ജാഗ്രതയിലാണ്. തിരച്ചിൽ തുടരുന്നു.
ഇന്നലെ പൂഞ്ചിലും ഭീകരാക്രമണം നടന്നിരുന്നു. ഇവിടെയും ഭീകരർക്കായുള്ള തിരച്ചിൽ സേന തുടരുകയാണ്. ആക്രമണങ്ങൾക്ക് പിന്നിൽ ലഷ്കർ ഇ തോയ്ബ ആണെന്ന് കേന്ദ്ര ആഭ്യന്തര മന്ത്രാലയത്തിന് വിവരം ലഭിച്ചിട്ടുണ്ട്. പാകിസ്ഥാനിൽ പരിശീലനം നടത്തിയ ഭീകരരാണ് ആക്രമണം നടത്തിയതെന്നാണ് സൂചന. അതെ സമയം അഖ്നൂരിൽ നടന്ന നുഴഞ്ഞുകയറ്റ ശ്രമം കഴിഞ്ഞദിവസം സേന പരാജയപ്പെടുത്തിയിരുന്നു