ശബരിമല: കന്നിമാസ പൂജകൾക്കായി ശ്രീധർമ്മശാസ്താ ക്ഷേത്രനട വൈകുന്നേരം 5 ന് തുറക്കും. തന്ത്രി കണ്ഠരര് മഹേഷ് മോഹനരുടെ മുഖ്യകാര്മ്മികത്വത്തില് ക്ഷേത്ര മേല്ശാന്തി വി.എന്.വാസുദേവന് നമ്പൂതിരി ക്ഷേത്ര ശ്രീകോവില് നട തുറന്ന് ദീപം തെളിക്കും.
തുടര്ന്ന് ഉപദേവതാ ക്ഷേത്രങ്ങളിലെയും ശ്രീകോവില് നടകള് തുറന്ന് വിളക്കുകള് തെളിക്കും.ശേഷം ക്ഷേത്ര തന്ത്രി കണ്ഠരര് മഹേഷ് മോഹനര് ഭക്തര്ക്ക് വിഭൂതി പ്രസാദം വിതരണം ചെയ്യും.. പൂജകൾ പൂർത്തിയാക്കി 21ന് രാത്രി 10 ന് ഹരിവരാസനം പാടി നട അടയ്ക്കും.
