മുംബൈ : വെള്ളിയാഴ്ച്ച നടന്ന യുഎസ് ഓപ്പണിന്റെ മൂന്നാം റൗണ്ടിൽ അജ്‌ല ടോംലാനോവിച്ചിനെതിരായ തോൽവിയോടെ ടെന്നീസ് ഇതിഹാസം സെറീന വില്യംസിന്റെ 25 വർഷം നീണ്ട കരിയരിൽ നിന്ന് വിരമിച്ചു. ആർതർ ആഷെ സ്റ്റേഡിയത്തിൽ നടന്ന അവസാന മത്സരത്തോടെ ടെന്നീസിനോട് വിടപറയുന്ന 41-കാരിക്ക് ഹൃദയസപ്പർശിയായ ഒരു കുറിപ്പ് എഴുതാൻ മുൻ ഇന്ത്യൻ ക്രിക്കറ്റ് താരം സച്ചിൻ ടെണ്ടുൽക്കർ മറന്നില്ല .
“പ്രായമെന്നത് ശരീരം നിങ്ങളോട് പറയുന്നതല്ല, മറിച്ച് നിങ്ങളുടെ മനസ്സ് ശരീരത്തോട് പറയുന്നതാണ്. കൗമാരക്കാർക്ക് ലോകത്തിലെ ഏറ്റവും വലിയ പ്രശ്‌നങ്ങൾ പരിഹരിക്കാനാകും എന്നാൽ മുതിർന്നവർക്ക് പുതിയത് തിരഞ്ഞെടുക്കാനും അതിൽ മികവ് പുലർത്താനും കഴിയും. സ്‌പോർട്‌സ് സമൂഹത്തെ പരിധികൾ മറികടക്കാനും അസാധ്യമായത് നേടാനും പ്രചോദിപ്പിക്കുന്നു. പ്രചോദനാത്മകമായ ഒരു കരിയറിന് അഭിനന്ദനങ്ങൾ “, ഇതായിരുന്നു സച്ചിൻ തന്റെ ട്വീറ്റിൽ കുറിച്ചത്.
ഒന്നിലധികം ദശാബ്ദങ്ങൾ നീണ്ട കരിയരിൽ നിന്ന് സച്ചിൻ ടെണ്ടുൽക്കർ 40 വയസ്സുള്ളപ്പോഴാണ് വിരമിച്ചത്
