ദില്ലി : ഐഎൻഎസ് വിക്രാന്ത് കമ്മീഷൻ ചെയ്യുന്നതിന്റെ വീഡിയോ പ്രധാനമന്ത്രി മോദി സമൂഹമാധ്യമങ്ങളിൽ പങ്കുവെച്ചു; ‘വാക്കിൽ അഭിമാനം പ്രകടിപ്പിക്കാൻ കഴിയില്ല’ എന്ന് അദ്ദേഹം കൂട്ടിച്ചേർത്തു .
ഇന്ത്യയുടെ ആദ്യ തദ്ദേശീയ വിമാനവാഹിനിക്കപ്പലായ ഐഎൻഎസ് വിക്രാന്ത് വെള്ളിയാഴ്ച്ച കമ്മീഷൻ ചെയ്ത ശേഷം പ്രധാനമന്ത്രി മോദി അതിനെ ‘ആത്മനിർഭർ ഭാരത്’ സ്വപ്നത്തിന്റെ പ്രധാന പ്രതീകമായി വിശേഷിപ്പിച്ചിരുന്നു.
ഇന്ത്യൻ നാവികസേനയിലേയ്ക്ക് ഐഎൻഎസ് വിക്രാന്ത് കമ്മീഷൻ ചെയ്യുന്നതിന്റെ വീഡിയോ പങ്കുവെച്ച് പ്രധാനമന്ത്രി നരേന്ദ്ര മോദി . “തന്റെ അഭിമാനം വാക്കുകളിൽ പ്രകടിപ്പിക്കാൻ കഴിയില്ല; എന്ന് പറഞ്ഞു . . ഇന്ത്യയുടെ പ്രതിരോധ മേഖലയിലെ സുപ്രധാന ചുവടുവെയ്പ്പാണ് യുദ്ധക്കപ്പൽ എന്ന് അദ്ദേഹം കൂട്ടിച്ചേർത്തു .
“ഇന്ത്യയ്ക്ക് ഒരു ചരിത്ര ദിനം! ഇന്നലെ ഐഎൻഎസ് വിക്രാന്ത് എന്ന കപ്പലിൽ കയറിയപ്പോഴുണ്ടായ അഭിമാനം വാക്കുകളിൽ പറഞ്ഞറിയിക്കാനാവില്ല”, പ്രധാനമന്ത്രി മോദി ട്വിറ്ററിൽ കുറിച്ചു.
ഇന്ത്യൻ നാവികസേനയുടെ ഇൻ-ഹൗസ് വാർഷിപ്പ് ഡിസൈൻ ബ്യൂറോ (ഡബ്ല്യുഡിബി) രൂപകൽപ്പന ചെയ്ത ഐഎൻഎസ് വിക്രാന്ത്, തുറമുഖ, ഷിപ്പിംഗ്, ജലപാത മന്ത്രാലയത്തിന് കീഴിലുള്ള പൊതുമേഖലാ കപ്പൽശാലയായ കൊച്ചിൻ ഷിപ്പ്‌യാർഡ് ലിമിറ്റഡാണ് നിർമ്മിച്ചത്. തദ്ദേശീയമായി നിർമ്മിച്ച ഈ യുദ്ധക്കപ്പൽ അത്യാധുനിക ഓട്ടോമേഷൻ സവിശേഷതകളോടെയാണ് നിർമ്മിച്ചിരിക്കുന്നത്, ഇത് ഇന്ത്യയുടെ സമുദ്ര ചരിത്രത്തിൽ ഇതുവരെ നിർമ്മിച്ചതിൽ വച്ച് ഏറ്റവും വലിയ കപ്പലാണ്.
