തനിക്ക് ബാധിച്ച അപൂര്‍വ രോഗത്തെക്കുറിച്ച്‌ വികാരഭരിതയായി സാമന്ത. ജീവിതത്തില്‍ ഇനിയൊരു ചുവടുവയ്ക്കാന്‍ പറ്റില്ലെന്ന് തോന്നിയ അവസ്ഥയിലേക്ക് വരെ എത്തിയിരുന്നു. ഇപ്പോള്‍ തിരിഞ്ഞ് പിന്നിലേക്ക് നോക്കുമ്പോള്‍ അത്ഭുതം തോന്നുന്നു. പുതിയ ചിത്രം യശോദയുടെ പ്രൊമോഷനുവേണ്ടി നല്‍കിയ അഭിമുഖത്തിലാണ് സാമന്ത ഇക്കാര്യങ്ങള്‍ വെളിപ്പെടുത്തിയത്. മരണത്തെ ഞാന്‍ അഭിമുഖീകരിച്ചിട്ടില്ല അങ്ങനെയുള്ള വാര്‍ത്തകള്‍ തെറ്റാണെന്നും താരം വെളിപ്പെടുത്തി.
ചില ദിവസങ്ങളില്‍ കിടക്കയില്‍ നിന്ന് എഴുന്നേല്‍ക്കാന്‍ പോലും ബുദ്ധിമുട്ടായിരുന്നു. അതൊരു യുദ്ധം തന്നെയായിരുന്നു. പക്ഷേ അസുഖം ജീവന് ഭീഷണിയായിട്ടില്ല. ഞാന്‍ മരിച്ചിട്ടില്ല. അതിജീവിതത്തെക്കുറിച്ച്‌ പറയുമ്പോള്‍ സാമന്തയുടെ ശബ്ദം ഇടറി. ശരീരത്തിന്റെ പേശികളെ ദുര്‍ബലപ്പെടുത്തുന്ന മയോസൈറ്റിസ് എന്ന ഓട്ടോ ഇമ്മ്യൂണ്‍ രോഗമാണ് സാമന്തയെ ബാധിച്ചത്.
രോഗാവസ്ഥയിലും സാമന്ത യശോദയ്ക്കുവേണ്ടി ഡബ് ചെയ്യുന്നുണ്ടായിരുന്നു. തമിഴിലും തെലുങ്കിലും താരം തന്നെയാണ് ഡബ് ചെയ്തത്.യശോധ പതിനൊന്നിന് തീയേറ്ററുകളില്‍ എത്തും.
