കാസര്കോട്: മകളെ പീഡിപ്പിച്ച് ഒളിവിൽ പോയ അച്ഛൻ മൂന്ന് വർഷത്തിന് ശേഷം പിടിയിൽ. പ്രായപൂര്ത്തിയാകാത്ത സ്വന്തം മകളെ ലൈംഗികമായി പീഡിപ്പിച്ച പിതാവിനെയാണ് ചന്തേര പോലീസ് ബെംഗളൂരുവില്നിന്ന് പിടികൂടിയത്. കാസര്കോട് ജില്ലയിലെ തൃക്കരിപ്പൂർ സ്വദേശിയാണ് പിടിയിലായത്.
ഇയാൾ ബെംഗളൂരുവിൽ ഒളിവിൽ കഴിയുകയായിരുന്നു. സംഭവത്തിൽ പോലീസ് കേസെടുത്തതോടെയാണ് ഇയാള് മുങ്ങിയത്. പ്രതിക്കായി പോലീസ് അന്ന് അന്വേഷണം നടത്തിയെങ്കിലും കണ്ടെത്താനായിരുന്നില്ല. മൂന്ന് വര്ഷമായിട്ടും പ്രതിയെ കണ്ടെത്താനാവാത്തതോടെ വലിയ വിമര്ശനം ഉയര്ന്നിരുന്നു.
ഒരാഴ്ച്ചക്കകം പ്രതിയെ അറസ്റ്റ് ചെയ്ത് റിപ്പോർട്ട് നൽകണമെന്ന് ബാലാവകാശ കമ്മീഷൻ പോലീസിന് നിർദേശം നൽകിയിരുന്നു. ഇതേ തുടര്ന്നാണ് അന്വേഷണം വീണ്ടും ഊര്ജ്ജിതമാക്കിയതും ബെഗളൂരുവില് നിന്ന് പ്രതിയെ പിടികൂടിയതും.