വിനായകന്, ലാല്, ഷൈന് ടോം ചാക്കോ, ദേവ് മോഹന് എന്നിവരെ പ്രധാന കഥാപാത്രങ്ങളാക്കി ലിയോ തദേവൂസ് തിരക്കഥയെഴുതി സംവിധാനം ചെയ്ത ചിത്രമാണ് ’പന്ത്രണ്ട്’. സ്കൈ പാസ് എന്റര്ടെയിന്മെന്റിന്റെ ബാനറില് വിക്ടര് എബ്രഹാം നിര്മിച്ച ചിത്രം ഇന്നാണ് റിലീസായത്.
സിനിമയുടെ ആദ്യ ഷോ കണ്ടിറങ്ങുന്നവരുടെ അഭിപ്രായം ചോദിക്കാനായി കാത്തുനിന്ന മാദ്ധ്യമപ്രവര്ത്തകര് അപ്രതീക്ഷിതമായി ഷെെന് ടോമിനെ കണ്ടു. ചിത്രത്തില് പ്രധാന വേഷത്തിലെത്തിയ ഷെെനിനോട് അഭിപ്രായം ചോദിക്കാനായി മാദ്ധ്യമപ്രവര്ത്തകര് ഒരുങ്ങിയപ്പോള് ഏവരെയും ഞെട്ടിച്ച് ഷെെന് ഇറങ്ങി ഓടി.
കാര്യമറിയാതെ മാദ്ധ്യമപ്രവര്ത്തകരും ഷൈന് ടോമിന്റെ പിറകെ ഓടുകയും ചെയ്തു. തിയേറ്റര് വളപ്പില് നിന്നും റോഡിലേയ്ക്ക് ഇറങ്ങിയിട്ടും ഷെെന് ഓട്ടം തുടരുകയായിരുന്നു. നില്ക്കാന് പറഞ്ഞിട്ടും കേള്ക്കാതെ ഷെെന് ഓടുകയായിരുന്നു. എന്നാൽ, താരം എന്തിനാണ് നിർത്താതെ ഓടിയതെന്ന് ഇതുവരെയും പുറത്ത് വന്നിട്ടില്ല.
