തിരുവനന്തപുരം : എസ്എസ്എൽസി പരീക്ഷകൾ നാളെ തുടങ്ങും. നാളെ ആരംഭിക്കുന്ന പരീക്ഷ മാർച്ച് 29 ന് അവസാനിക്കും. 4.19 ലക്ഷം വിദ്യാർത്ഥികളാണ് ഇത്തവണ എസ്.എസ്.എൽ.സി പരീക്ഷ എഴുതുന്നത്. രാവിലെ 9.30 മുതലാണ് പരീക്ഷകൾ ആരംഭിക്കുക.
ആകെ 2,960 പരീക്ഷാ സെന്ററുകളാണ് പരീക്ഷയ്ക്കായി സജ്ജീകരിച്ചിരിക്കുന്നത്. ഏപ്രിൽ 3 മുതൽ 26 വരെയുള്ള തീയതികളിൽ 70 ക്യാമ്പുകളിലായി മൂല്യനിർണ്ണയം നടക്കും. മെയ് രണ്ടാം വാരം എസ്എസ്എൽസി ഫലം പ്രഖ്യാപിക്കും. എന്നാൽ കനത്ത വേനൽ ഒരു വെല്ലുവിളിലായി തുടരുകയാണ്. ആയതിനാൽ ചൂടിനെ ചെറുക്കാനുള്ള എല്ലാ മുൻകരുതലുകളും വിദ്യാർത്ഥികൾ എടുക്കേണ്ടതാണ്.