തിരുവനന്തപുരം: എസ്എസ്എല്സി, പ്ലസ്ടു, വിഎച്ച്എസ്ഇ ഫൈനല് പരീക്ഷാ തീയതി നാളെ പ്രഖ്യാപിക്കുമെന്ന് വിദ്യാഭ്യാസമന്ത്രി വി ശിവന്കുട്ടി പറഞ്ഞു. അതേസമയം പാഠഭാഗങ്ങളിൽ ഏതെല്ലാം കാര്യങ്ങൾ എസ്എസ്എൽസി പരീക്ഷയിൽ ഉൾപ്പെടുത്തണമെന്നതിലും വിദ്യാഭ്യാസ വകുപ്പ് തീരുമാനമെടുക്കും.
കഴിഞ്ഞതവണ 40 ശതമാനം പാഠഭാഗങ്ങളാണ് ഫോക്കസ് ഏരിയയിൽ ഉൾപ്പെടുത്തിയിരുന്നത്. ഇത്തവണ 60 ശതമാനം പാഠഭാഗം ഉൾക്കൊള്ളിക്കണമെന്ന നിർദ്ദേശം പരിഗണനയിലുണ്ട്. കഴിഞ്ഞ തവണ പരീക്ഷാ നടത്തിപ്പ് സംബന്ധിച്ച് വലിയ വിമർശനങ്ങളുണ്ടായിരുന്നു. എന്നാൽ പരീക്ഷ നടത്തിയത് വിദ്യാർഥികൾക്ക് ഗുണകരമാവുകയാണ് ചെയ്തതെന്നും വിദ്യാഭ്യാസ മന്ത്രി വ്യക്തമാക്കി. കൊവിഡ് വ്യാപനത്തെ തുടര്ന്ന് അടച്ചിട്ട സ്കൂളുകള് ഈ വര്ഷം നവംബര് ആദ്യവാരമാണ് തുറന്നത്.