മൂന്നാര്: മൂന്നാറിൽ സമരക്കാരും പോലീസും തമ്മിൽ സംഘർഷം. സംഘര്ഷത്തില് എ.രാജ എംഎല്എയ്ക്ക് പരിക്കേറ്റു. ഉടൻ തന്നെ അദ്ദേഹത്തെ ആശുപത്രിയിലക്ക് മാറ്റി. പൊതുജനങ്ങളുടെ യാത്ര തടയാൻ റോഡിലേക്ക് ഇറങ്ങിയ സമരക്കാരെ പോലീസ് തടഞ്ഞതിനെ ചൊല്ലിയാണ് സംഘര്ഷമുണ്ടായത്.
11 മണിയോടെയാണ് സംഭവം അരങ്ങേറിയത്. മൂന്നാര് ടൗണില് പണിമുടക്കുമായി ബന്ധപ്പെട്ട് പ്രതിഷേധ യോഗം നടന്നിരുന്നു. ആ സമയം അതുവഴി പോയ വാഹനങ്ങള് സമരാനുകൂലികള് തടയാന് ശ്രമം നടത്തി. തുടര്ന്ന് പോലീസ് വാഹനം തടയാന് ശ്രമിച്ചവരെ പിന്തിരിപ്പിക്കാന് ശ്രമിച്ചു. ഇതാണ് സംഘര്ഷത്തിലേക്ക് വഴിവച്ചത്.
പ്രവര്ത്തകരെ പിന്തിരിപ്പിക്കാന് പോലീസ് ശ്രമിക്കുന്നത് കണ്ട എ. രാജ പ്രശ്നത്തില് ഇടപെടുകയായിരുന്നു. തുടര്ന്നുണ്ടായ ഉന്തിലും തള്ളിലും എ.രാജക്ക് മര്ദ്ദനമേല്ക്കുകയായിരുന്നു. അദ്ദേഹം തറയില് വീണു എന്നാണ് വിവരം. അതേസമയം, പോലീസ് മര്ദ്ദനത്തില് പരിക്കേറ്റുവെന്നാരോപിച്ച് എംഎല്എ ആശുപത്രിയില് ചികിത്സ തേടിയിരിക്കുകയാണ്.
