ദില്ലി: മുന് ധനമന്ത്രി പി ചിദംബരത്തെ അറസ്റ്റ് ചെയ്യാന് എന്ഫോഴ്സ്മെന്റ് ഡയറക്ടറേറ്റിന് സുപ്രിം കോടതി അനുമതി നല്കി. നിലവില് ഐഎന്എസ് മീഡിയ കേസില് സിബിഐ അറസ്റ്റിന് പിന്നാലെ തീഹാര് ജയിലില് കഴിയുകയാണ് പി ചിദംബരം.
തീഹാരില് ജയിലില് വച്ചോ, കോടതിയില് വച്ചോ ചോദ്യം ചെയ്ത് അറസ്റ്റ് ചെയ്യാമെന്നാണ് സുപ്രിം കോടതി നിര്ദ്ദേശം. ചോദ്യം ചെയ്ത് ഉചിതമായ നടപടി സ്വീകരിക്കാമെന്ന് സുപ്രിം കോടതി പറഞ്ഞു.
അറസ്റ്റ് ഒഴിവാക്കണമെന്ന് പി ചിദംബരത്തിന് വേണ്ടി ഹാജരായ അഭിഭാഷകന് കപില് സിബല് വാദിച്ചു. എന്നാല് സുപ്രിം കോടതി ഇത് പരിഗണിച്ചില്ല. ഇതോടെ നാളെ അറസ്റ്റ് ഉണ്ടാകുമെന്ന് ഏതാണ്ട് ഉറപ്പായി. കള്ളപ്പണം വെളുപ്പിച്ച കേസിലും നികുതി വെട്ടിപ്പ് ആരോപണത്തിലുമാണ് എന്ഫോഴ്സ്മെന്റ് പി ചിദംബരത്തിനെതിരെ കേസെടുത്തത്.