തിരുവനന്തപുരം; സ്വപ്ന സുരേഷുമായി ബന്ധപ്പെട്ട വിവാദങ്ങൾക്ക് മറുപടിയുമായി HRDS ഇന്ത്യ വൈസ് പ്രസിഡന്റ് കെ.ജി.വേണുഗോപാൽ. കുടുങ്ങാൻ പോകുന്നത് ഉന്നതരാണെന്നും അതിനുള്ള തെളിവുകൾ സ്വപ്ന സുരേഷിന്റെ പക്കൽലുണ്ടെന്ന വിവരമാണ് കെ.ജി.വേണുഗോപാൽ തത്വമയി ന്യൂസുമായി പങ്കുവെച്ചത്. എന്നാൽ ആ തെളിവുകൾ സ്വപ്ന സുരേഷിന്റെ കൈയിലില്ലെന്നും സുരക്ഷിത സ്ഥലങ്ങളിൽ എത്തിച്ചിരിക്കുന്നുവെന്നും അദ്ദേഹം കൂട്ടിച്ചേർത്തു.
HRDS ലെ ജീവനക്കാരി എന്ന നിലയിൽ എല്ലാ സഹായവും പിന്തുണയും നൽകും.സ്വപ്ന സുരേഷിന്റെ ജീവന് ഭീഷണിയുണ്ട്. ഉന്നതരുടെ പങ്ക് അന്വേഷണ ഉദ്യോഗസ്ഥരോട് നേരത്തെ തന്നെ വെളിപ്പെടുത്തിരുന്നു.എന്നാൽ ഉന്നതരുടെ പങ്കുള്ള കേസിൽ അന്വേഷണ ഉദ്യോഗസ്ഥർ മൗനം പാലിക്കുകയാണെന്നും അദ്ദേഹം കൂട്ടിച്ചേർത്തു. സ്വപ്ന സുരേഷിനെ ഉന്നതർ കുറ്റരോപിതരാക്കി നശിപ്പിക്കാൻ ശ്രമിക്കുന്നു.പൊലീസിന്റെ പെട്ടന്നുള്ള ഫ്ലാറ്റ് തള്ളി തുറന്നുള്ള അറസ്റ്റ് എന്തിനെന്നത് ഉന്നതരുടെ പങ്ക് വെളിവാക്കുന്നതാണെന്നും അദ്ദേഹം പറഞ്ഞു
