കൊച്ചി: സിറോ മലബാർ സഭ കുർബാന ഏകീകരണത്തിൽ പ്രതിഷേധം ശക്തമാക്കി വൈദികർ. കുര്ബാന ക്രമം ഏകീകരിക്കണമെന്ന ആവശ്യവുമായി ഒരു വിഭാഗവും പ്രതിഷേധത്തിനായി എത്തി. കാക്കനാട് സിറോ മലബാര് സഭാ ആസ്ഥാനത്താണ് പ്രതിഷേധം. ഏറ്റുമുട്ടൽ ഉണ്ടാകാതിരിക്കാൻ പൊലീസ് സുരക്ഷ ഏർപ്പെടുത്തിയിട്ടുണ്ട്.
സഭയ്ക്കുള്ളതില് പരിഹരിക്കപ്പെടാതെ കിടക്കുന്ന പ്രശ്നം സിനഡ് അടിയന്തിരമായി ചേര്ന്ന് പരിഹരിക്കണമെന്ന ആവശ്യവും പ്രതിഷേധക്കാര് ഉന്നയിക്കുന്നു. സിനഡ് തീരുമാനം പിൻവലിച്ചില്ലെങ്കിൽ അടുത്ത ദിവസങ്ങളിൽ അനിശ്ചിതകാല നിരാഹാരം അടക്കമുള്ള സമരപരിപാടികൾക്ക് സഭാ നേതൃത്വം സാക്ഷ്യം വഹിക്കേണ്ടി വരുമെന്ന് വൈദികർ അറിയിച്ചു.