ചെന്നൈ: കോവിഡ് വ്യാപനം രൂക്ഷമാകുന്നതിനെ തുടര്ന്ന് തമിഴ്നാട്ടില് ലോക്ക്ഡൗൺ ഒരാഴ്ച കൂടി നീട്ടി. വെള്ളി, ശനി, ഞായര് ദിവസങ്ങളില് ആരാധനാലയങ്ങളിലേക്ക് പൊതുജനങ്ങള്ക്ക് പ്രവേശനം ഇല്ല. അടുത്ത മാസം ഒന്നുമുതല് ഭാഗികമായി സ്കൂളുകള് തുറക്കാനും അനുമതി നൽകി. മുഖ്യമന്ത്രി എം കെ സ്റ്റാലിന്റെ നേതൃത്വത്തില് ചേര്ന്ന ഉന്നതതല യോഗത്തിലാണ് തീരുമാനം.
ഒമ്പത് മുതല് പന്ത്രണ്ടാം ക്ലാസ് വരെ ഒന്നിടവിട്ട് 50% വിദ്യാര്ഥികളെ വച്ച് ക്ലാസുകള് നടത്താനാണ് തീരുമാനം. വെള്ളി, ശനി, ഞായര് ദിവസങ്ങളില് ആരാധനാലയങ്ങളിലേക്ക് പൊതുജനങ്ങള്ക്ക് പ്രവേശനം അനുവദിക്കില്ല. RTPCR നെഗറ്റീവ് സർട്ടിഫിക്കറ്റ് ഹാജരാക്കുന്നവർക്കോ രണ്ട് ഡോസ് കോവിഡ് വാക്സിൻ എടുത്തവർക്കോ മാത്രമാണ് തമിഴ്നാട്ടിലേക്ക് പ്രവേശനം അനുവദിയ്ക്കുക.വിമാനമാർഗം തമിഴ്നാട്ടിലെത്തുന്നവർക്കും നിബന്ധനകൾ ബാധകമാണ്. വിമാനത്താവളങ്ങളിൽ ശരീര താപനില പരിശോധിക്കും.
പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്സിന് എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona
