കേന്ദ്ര ഇലക്ട്രോണിക്സ്, ഐടി മന്ത്രിയും തിരുവനന്തപുരം ലോക്സഭാ മണ്ഡലം ബിജെപി സ്ഥാനാർത്ഥിയുമായ രാജീവ് ചന്ദ്രശേഖർ സൂര്യ ഫെസ്റ്റിവൽ സ്ഥാപകനും സാംസ്കാരിക നായകനുമായ സൂര്യ കൃഷ്ണമൂർത്തിയെ തൈക്കാട്ടെ വസതിയിൽ സന്ദർശിച്ചു.
40 മിനിറ്റോളം നീണ്ട കൂടിക്കാഴ്ചയിൽ തിരുവനന്തപുരത്തെ വികസനവുമായി ബന്ധപ്പെട്ട വിവിധ വിഷയങ്ങൾ ചർച്ച ചെയ്തു. വ്യക്തിപരമായ അനുഭവങ്ങളും പങ്കുവെച്ചു. തിരുവനന്തപുരത്ത് മാറ്റങ്ങൾ കൊണ്ടുവരാൻ രാജീവ് ചന്ദ്രശേഖറിന്റെ സ്ഥാനാർത്ഥിത്വത്തിന് കഴിയട്ടെ എന്ന് സൂര്യ കൃഷ്ണമൂർത്തി ആശീർവദിച്ചു.
ശാസ്ത്രവും കലയും കൈകോര്‍ക്കുന്ന സരസ്വതീക്ഷേത്രം.. പ്രശസ്ത കലാകാരന്‍ സൂര്യ കൃഷ്ണമൂര്‍ത്തിയെ സന്ദര്‍ശിച്ച് ആശിര്‍വാദങ്ങള്‍ ഏറ്റുവാങ്ങി. കലാപ്രവര്‍ത്തനങ്ങളെക്കുറിച്ചും ലോകത്തെ ഏറ്റവും വലിയ സാംസ്കാരിക സംഘടനയായ സൂര്യയെക്കുറിച്ചും സമകാലിക വിഷയങ്ങളെക്കുറിച്ചും ഞങ്ങള്‍ സംസാരിച്ചു. തിരുവനന്തപുരത്തിന്റെ ഉയര്‍ച്ചയ്‌ക്ക് മുതല്‍ക്കൂട്ടാകാന്‍ അദ്ദേഹത്തിന്റെ പിന്തുണ അഭ്യര്‍ത്ഥിച്ചു’
രാജീവ് ചന്ദ്രശേഖര്‍ സൂര്യകൃഷ്ണമൂര്‍ത്തിയെ സന്ദര്‍ശിച്ച ശേഷം അദ്ദേഹം എക്‌സില്‍ കുറിച്ചു
