തിരുവനന്തപുരം : മുന് മുഖ്യമന്ത്രിയും മുതിർന്ന കോൺഗ്രസ് നേതാവുമായ ഉമ്മന് ചാണ്ടിയുടെ ചികിത്സാ മേല്നോട്ടത്തിന് വിദഗ്ധ ഡോക്ടർമാരെ ഉൾപ്പെടുത്തി ആരോഗ്യ വകുപ്പ് മെഡിക്കല് ബോര്ഡ് രൂപീകരിച്ചു. വിവിധ ഡിപ്പാര്ട്ട്മെന്റുകളിലെ വിദഗ്ധരായ ഡോക്ടര്മാർ മെഡിക്കൽ ബോർഡിലുണ്ട്. അദ്ദേഹത്തിന്റെ ആരോഗ്യാവസ്ഥയും ചികിത്സയും മെഡിക്കല് ബോര്ഡ് അവലോകനം ചെയ്യും. ആവശ്യമെങ്കിൽ സ്വകാര്യ മേഖലയിലെ വിദഗ്ധ ഡോക്ടര്മാരുമായി ആശയവിനിമയം നടത്തും.
നേരത്തെ ആരോഗ്യ വകുപ്പ് മന്ത്രി വീണാ ജോര്ജ്, ഉമ്മന് ചാണ്ടി ആശുപത്രിയിലെത്തി ഡോക്ടറേയും ബന്ധുക്കളേയും കണ്ടിരുന്നു. ഇതിനു ശേഷം ആരോഗ്യ വകുപ്പ് മന്ത്രി മുഖ്യമന്ത്രിയെ കണ്ട് ചര്ച്ച നടത്തിയിരുന്നു.