ഇടുക്കി: വിദ്യാർത്ഥിനികളോട് അപമര്യാദയായി പെരുമാറിയ സ്കൂൾ അധ്യാപകനെതിരെ പോക്സോ കേസ് രജിസ്റ്റർ ചെയ്തു. ഹരി ആര്‍. വിശ്വനാഥനെതിരെയാണ് പോലീസ് കേസെടുത്തത്. ഇടുക്കി കഞ്ഞിക്കുഴി സ്കൂളിലെ അധ്യാപകനാണിയാൾ.
എൻഎസ്എസ് ക്യാമ്പിൽ വച്ച് വിദ്യാർത്ഥിനിയോട് ഇയാൾ അപമാര്യാദയായി പെരുമാറിയെന്നാണ് പരാതി. കൂടാതെ പരാതി പിന്‍വലിക്കാന്‍ ആവശ്യപ്പെട്ട് അധ്യാപകൻ വിദ്യാര്‍ത്ഥിനിയെ ഫോണ്‍ വിളിച്ച് സമ്മര്‍ദ്ദം ചെലുത്തിയെന്നും പരാതിയില്‍ പറയുന്നു.
അതേസമയം, മുമ്പും സമാന പരാതികള്‍ ഇയാള്‍ക്കെതിരെ ഉയർന്നിരുന്നുവെന്നും പോലീസ് പറഞ്ഞു. സംഭവത്തിൽ, അധ്യാപകനെതിരെ പോലീസ് കേസെടുത്ത് അന്വേഷണം ആരംഭിച്ചു.
