കൊല്ക്കത്ത: മഴയെ തുടർന്ന് വെള്ളം കയറിയ വീട്ടില് മൊബൈല് ഫോണ് ചാര്ജ് ചെയ്യാന് ശ്രമിക്കവെ ഷോക്കടിച്ച് ഒരു കുടുംബത്തിലെ മൂന്ന് പേര് മരിച്ചു. രാജാദാസ് എന്നയാളും ഭാര്യ, പത്തുവയസുള്ള മകന് എന്നിവരുമാണ് മരിച്ചത്. നാല് വയസ്സുകാരനായ മറ്റൊരു മകന് രക്ഷപ്പെട്ടു. കൊല്ക്കത്തക്ക് സമീപത്തെ ഖര്ദയിലാണ് ദാരുണ സംഭവം ഉണ്ടായത്.
രക്ഷിക്കാന് ഓടിയെത്തിയ ഭാര്യക്കും മകനും ഷോക്കേറ്റു. അയല്വീട്ടുകാര് അറിയിച്ചതിനെ തുടര്ന്നാണ് അധികൃതരെത്തിയത്. ആശുപത്രിയിലെത്തിയപ്പോള് തന്നെ മൂവരും മരിച്ചതായി അധികൃതര് വ്യക്തമാക്കി. കഴിഞ്ഞ രണ്ടു ദിവസമായി ദക്ഷിണ ബംഗാളിലെ നോർത്ത് 24 പർഗാനാസ് ജില്ലയിൽ കനത്ത മഴ തുടരുകയാണ്. രണ്ടു ദിവസത്തിനിടെ ആറ് പേരാണ് ജില്ലയിൽ വൈദ്യുതാഘാതമേറ്റ് മരിച്ചത്.
