ചെന്നൈ :കൽവീതി ഗ്രാമത്തിൽ ദ്രൗപദി അമ്മൻ ക്ഷേത്രത്തിലെ ഉത്സവത്തിന്റെ ഭാഗമായി ക്ഷേത്ര പ്രതിഷ്ഠയെ ക്രെയിനിന് മുകളിൽ കയറ്റി ഗ്രാമത്തിലൂടെ എഴുന്നുള്ളിക്കുന്നതിനിടെയാണ് അപകടമുണ്ടായത്. ഞായറാഴ്ച രാത്രിയോടെയാണ് നാടിനെ നടുക്കിയ അപകടം ഉണ്ടായത്. ആൾക്കൂട്ടത്തിനിടയിലേക്കാണ് ക്രെയിൻ തകർന്നുവീണത്.സംഭവത്തിൽ മൂന്ന് പേർ മരിച്ചു. എട്ട് പേർക്ക് ഗുരുതരമായി പരുക്കേറ്റു.
കെ മുത്തുകുമാർ(39), എസ് ഭൂപാലൻ(40), ബി ജോതിബാബു(17) എന്നിവരാണ് മരിച്ചത്. പരുക്കേറ്റവരെ അരക്കോണം താലൂക്ക് ആശുപത്രിയിൽ പ്രവേശിപ്പിച്ചു. ഇതിൽ പലരുടെയും നില ഗുരുതരമാണ്.
