ചെന്നൈ:ചെന്നൈയില്‍ കനത്ത മഴ. അതി ശക്തമായ മഴയില്‍ ചെന്നൈയിലെ പല പ്രദേശങ്ങളിലും വെള്ളം കയറി.
തമിഴ്നാട്ടിന്‍റെ പല ഭാഗങ്ങളിലും ഇപ്പോഴും മഴ ശക്തമായി തുടരുകയാണ്. ചെന്നൈയ്ക്ക് പുറമെ കാഞ്ചീപുരം അടക്കമുള്ള വടക്കന്‍ തമിഴ്‌നാട്ടിലും മഴ തുടരുന്നു.
രാത്രിയോടെ പെയ്ത് തുടങ്ങിയ കനത്ത മഴയില്‍ ചെന്നൈയിലെ പല ഭാഗങ്ങളിലും വെള്ളം കയറിയിരുന്നു. കൂടാതെ അണ്ണാ ശാല, ടി നഗര്‍, ഗിണ്ടി, കൊരട്ടൂര്‍, പെരമ്പൂര്‍, അടയാര്‍,പെരുങ്കുടി തുടങ്ങിയ സ്ഥലങ്ങളില്‍ വെള്ളം കയറിയിട്ടുണ്ട്.
അതെസമയം ഇന്നും കനത്ത മഴ തുടരുമെന്നാണ് കാലാവസ്ഥ നിരീക്ഷണ കേന്ദ്രത്തിന്‍റെ മുന്നറിയിപ്പ്. ഇതിനെ തുടര്‍ന്ന് കൂടുതല്‍ മുന്‍കരുതല്‍ നടപടികള്‍ സ്വീകരിക്കാന്‍ തമിഴ്‌നാട് മുഖ്യമന്ത്രി എം.കെ സ്റ്റാലിന്‍ അധികൃതര്‍ക്ക് നിര്‍ദേശം നല്‍കി കഴിഞ്ഞു.
