കണ്ണൂർ: കണ്ണൂരിൽ മാവോയിസ്റ് ഭീകരൻ (Maoists) പിടിയിൽ. മുരുകൻ എന്നു വിളിപ്പേരുള്ള ഗൗതമാണ് എൻഐഎയുടെ പിടിയിലായത്. 2016ലെ ആയുധ പരിശീലനത്തിൽ പങ്കാളിയായിരുന്നു മുരുകനെന്നാണ് റിപ്പോർട്ട്. കണ്ണൂരിലെ പാപ്പിനിശ്ശേരിയിൽ വെച്ചാണ് ഇയാളെ എൻഐഎ സംഘം പിടികൂടുന്നത്.
അതേസമയം മുരുകൻ ആയുധ പരിശീലനം നൽകുന്ന ദൃശ്യങ്ങൾ നേരത്തെ പുറത്തുവന്നിരുന്നു. ഏറെ കാലമായി പാപ്പിനിശ്ശേരി പരിസരങ്ങളിൽ ഒളിവിൽ കഴിയുകയായിരുന്നു ഇയാൾ. തുടർന്ന് നടത്തിയ അന്വേഷണത്തിലാണ് പിടിയിലാകുന്നത്. കമ്മ്യൂണിസ്റ്റ് ഭീകരരുടെ (Communist Terrorists) സന്ദേശ വാഹകനായാണ് മുരുകുൻ പ്രവർത്തിക്കുന്നത്. ഇയാളുടെ കൂട്ടാളികളായ രണ്ട് പേർ കൂടി എൻഐഎയുടെ നിരീക്ഷണത്തിലുണ്ടെന്നാണ് സൂചന. ഇവരും ഉടൻ പിടിയിലാകുമെന്നാണ് വിവരം.
