കൊടൈക്കനാൽ: ആനക്കൊമ്പ് കടത്താൻ ശ്രമിച്ച എട്ടംഗ സംഘം പിടിയിൽ. രണ്ട് മലയാളികൾ ഉൾപ്പെടെയുള്ള എട്ടംഗ സംഘം തമിഴ്നാട്ടിലെ കൊടൈക്കനാലിൽ വച്ചാണ് അറസ്റ്റിലായത്.
മലപ്പുറം പരപ്പനങ്ങാടി സ്വദേശി അബ്ദുൽ റഷീദ്, തൃശ്ശൂർ സ്വദേശി സിബിൻ തോമസ് എന്നിവരാണ് സംഘത്തിലെ മലയാളികൾ. കാരയ്ക്കൽ, മധുര, കൊടൈക്കനാൽ, ഡിണ്ടിഗൽ സ്വദേശികളാണ് മറ്റ് 6 പ്രതികൾ.
രണ്ട് ആനക്കൊമ്പും നാടൻ തോക്കും ഇവരിൽ നിന്ന് വനം വകുപ്പ് ഉദ്യോഗസ്ഥർ പിടികൂടി. തിരിച്ചിറപള്ളിയിൽ നിന്ന് എത്തിച്ച ആനക്കൊമ്പ് മലയാളികൾക്ക് വിൽക്കാനുള്ള ശ്രമത്തിനിടെ ആണ് സംഘം വലയിലായത്. ഉദ്യോഗസ്ഥർക്ക് കിട്ടിയ ഒരു രഹസ്യവിവരത്തെ തുടർന്ന് നടത്തിയ അന്വേഷണത്തിലാണ് പ്രതികളെ പിടികൂടിയത്. പ്രതികൾ വ്യാപാരത്തിനായി ഒത്തുചേർന്ന ഹോട്ടൽ വളഞ്ഞ് ഇവരെ പിടികൂടുകയായിരുന്നു.
