കൊച്ചി: എറണാകുളം പോണേക്കരയിൽ ഒഡീഷ സ്വദേശിയെ മരിച്ച നിലയിൽ കണ്ടെത്തി. ഇയാൾ എറണാകുളത്ത് വാടകയ്ക്ക് താമസിച്ചിരുന്ന വീടിന്റെ മുകളിൽ നിന്ന് വീണ് ഗേറ്റിന്റെ കമ്പി തുളഞ്ഞു കയറിയാണ് മരണം സംഭവിച്ചത്. ഒഡീഷ സ്വദേശിയായ കാലു നായിക്(18) ആണ് മരിച്ചത്. ഇന്നലെ രാത്രി 12 മണിയോടെയാണ് സംഭവം.
പോണേക്കരയിൽ മനയ്ക്കപ്പറമ്പ് കൃഷ്ണനഗർ റോഡിലെ വീടിന്റെ ടെറസിൽ നിന്ന് താഴേക്ക് വീഴുകയായിരുന്നു. കാൽ വഴുതി വീണതാണെന്നാണ് പ്രാഥമിക നിഗമനം. ഗേറ്റിന്റെ കൂർത്ത കമ്പി ചെവിയുടെ ഭാഗത്ത് കൂടി തുളഞ്ഞു കയറി.
അതിനാൽ തന്നെ ആഴത്തിൽ മുറിവ് പറ്റിയിട്ടുണ്ട്. ഈ മുറിവിലൂടെ വലിയ തോതിൽ ചോര വാർന്നതാണ് മരണ കാരണം. വീട്ടുടമ വിവരം അറിയിച്ചതിന് പിന്നാലെ പോലീസ് സ്ഥലത്തെത്തി തുടർ നടപടികൾ സ്വീകരിച്ചു.