കെ എസ് ആര്‍ ടി സി സ്വിഫ്റ്റ് ബസില്‍ എം ഡിഎംഎയുമായി രണ്ട് യുവാക്കൾ പിടിയിൽ. . മുത്തങ്ങ ചെക്‌പോസ്റ്റിൽ വച്ച് ബസിലെ യാത്രക്കാരായ പാലക്കാട് മണ്ണാര്‍ക്കാട് അലനെല്ലൂര്‍ പള്ളിക്കാട്ടുതൊടി വീട്ടില്‍ പി ടി ഹാഷിം അലനെല്ലൂര്‍ പടിപ്പുര വീട്ടില്‍ പി ജുനൈസ് എന്നിവരെയാണ് എക്‌സൈസ് അറസ്റ്റ് ചെയ്തത്.
27.02 ഗ്രാം എം ഡി എം എയാണ് ഇവരിൽ നിന്നും കണ്ടെത്തിയത്. പാലക്കാട് ജില്ലയില്‍ വിതരണം ചെയ്യാനാണ് മയക്കുമരുന്നെത്തിച്ചതെന്ന് പ്രതികള്‍ മൊഴി നല്‍കിയതായി എക്‌സൈസ് ഉദ്യോഗസ്ഥര്‍ അറിയിച്ചു. മുത്തങ്ങ ചെക്‌പോസ്റ്റിലെത്തിയ ബാംഗ്ലൂര്‍ – പത്തനംതിട്ട സ്വിഫ്റ്റ് ബസിൽ നിന്നാണ് ഇവരെ പിടികൂടിയത്.
