ദില്ലി: കോടികള് വിലമതിക്കുന്ന ലഹരിവസ്തുക്കള് കടത്താന് ശ്രമിച്ച വിദേശ പൗരന് പിടിയിലായി. ദില്ലിയിലെ ഇന്ദിരാ ഗാന്ധി അന്താരാഷ്ട്ര വിമാനത്താവളത്തിൽ നിന്നുമാണ് പ്രതിയെ പിടികൂടിയത്.
ചെറിയ ഗുളികകളാക്കി വിഴുങ്ങിയാണ് ലഹരി വസ്തുക്കൾ കടത്താൻ ശ്രമിച്ചത്.
ഉഗാണ്ടന് പൗരന് റോബര്ട്ട് സെന്ഗോന്സിയാണ് കസ്റ്റംസിന്റെ പിടിയിലായത്. ആഗോള വിപണിയില് ഏഴ് കോടി രൂപ വിലവരുന്ന മയക്കുമരുന്ന് വസ്തുക്കളാണ് ഇയാളുടെ പക്കൽ നിന്നും പിടികൂടിയതെന്ന് കസ്റ്റംസ് പറഞ്ഞു. എന്നാൽ മയക്കുമരുന്ന് കടത്താനുള്ള ശ്രമം പരാജയപ്പെട്ടതോടെ ഇയാൾ കുറ്റംസമ്മതിക്കുകയായിരുന്നുവെന്നും കസ്റ്റംസ് അധികൃതർ പറഞ്ഞു.
30 ഗുളികകളാക്കി വിഴുങ്ങിയാണ് ഇവ കടത്താൻ ശ്രമിച്ചത്. കസ്റ്റംസിന് ലഭിച്ച രഹസ്യവിവരത്തിന്റെ അടിസ്ഥാനത്തിൽ നടത്തിയ പരിശോധനയിലാണ് പ്രതി പിടിയിലായത്. ഹെറോയിനാണ് ഇയാളുടെ പക്കൽ നിന്നും കണ്ടെത്തിയതെന്നാണ് പ്രാഥമിക നിഗമനം.
