ലക്‌നൗ: ലോകത്തിനും രാജ്യത്തിനും മാതൃകയാണ് ഉത്തർപ്രദേശ് എന്ന് മുഖ്യമന്ത്രി യോഗി ആദിത്യനാഥ്. മാത്രമല്ല തന്‍റെ ഭരണകാലഘട്ടം ചരിത്രത്തില്‍ എന്നെന്നും ഓര്‍മിക്കപ്പെടുമെന്നും അദ്ദേഹം വ്യക്തമാക്കി. തന്‍റെ മന്ത്രിസഭയുടെ റിപ്പോര്‍ട്ട് കാര്‍ഡ് മാധ്യമങ്ങള്‍ക്ക് മുന്നില്‍ അവതരിപ്പിച്ചുകൊണ്ട് സംസാരിക്കുകയായിരുന്നു അദ്ദേഹം.
‘മുന്‍ സര്‍ക്കാറിന്‍റെ കാലത്ത് ക്രിമിനലുകളും മാഫിയകളും സംസ്ഥാനത്ത് അരാജകത്വം വിതക്കുകയായിരുന്നെന്നും കഴിഞ്ഞ നാലരവര്‍ഷക്കാലം ഒറ്റ കലാപം പോലും റിപ്പോര്‍ട്ട് ചെയ്തിട്ടില്ലെന്നും അദ്ദേഹം വ്യക്തമാക്കി.
കൂടാതെ ‘ഉത്തര്‍പ്രദേശില്‍ സുരക്ഷയും നല്ല ഭരണവും കാഴ്ചവെച്ച്‌ നാലരവര്‍ഷക്കാലത്തെ ഭരണം പൂര്‍ത്തിയാക്കുകയെന്നത് വളരെ പ്രധാനമാണ് എന്നും സംസ്ഥാനത്തെക്കുറിച്ചുള്ള രാജ്യത്തിന്‍റെ കാഴ്ചപ്പാടില്‍ മാറ്റം വന്നു എന്നും അദ്ദേഹം വ്യക്തമാക്കി.
നേരത്തേ യു.പിയില്‍ കലാപങ്ങള്‍ ഒരു പ്രവണതയായിരുന്നു. എന്നാല്‍, കഴിഞ്ഞ നാലരവര്‍ഷക്കാലം ഒറ്റ കലാപം പോലും അരങ്ങേറിയില്ല എന്നും ’യോഗി ചൂണ്ടിക്കാട്ടി.
