എറണാകുളം: സ്ത്രീകളുടെ ചിത്രങ്ങൾ ദുരുപയോഗം ചെയ്യുന്ന അശ്ലീല വാട്‌സാപ്പ് ഗ്രൂപ്പുകളിൽ ഉന്നതരും . അങ്കമാലി ഐഎം പുരയിൽ യുവതിയുടെ ചിത്രം രഹസ്യമായി ചിത്രീകരിച്ച് അശ്ലീല വാട്‌സാപ്പ് ഗ്രൂപ്പിൽ ഇട്ട് സിപിഎം പ്രവർത്തകൻ. സിപിഎം മുൻ ബ്രാഞ്ച് സെക്രട്ടറി ബിജുവാണ് ഇത്തരത്തിലൊരു പ്രവൃത്തി ചെയ്തത്. താനാണ് സമൂഹ മാദ്ധ്യമത്തിൽ ചിത്രം പങ്കുവച്ചതെന്ന് ബിജു കുറ്റസമ്മതം നടത്തുന്നതിന്റെ ശബ്ദരേഖ പുറത്ത്.
പോലീസിൽ പരാതി നൽകിയ യുവതിയുടെ ഭർത്താവിനെ സ്വാധീനിക്കാൻ ബിജു ഫോണിൽ വിളിച്ചപ്പോഴാണ് ചിത്രം എടുത്ത് പ്രചരിപ്പിച്ചത് ഇയാൾ സമ്മതിക്കുന്നത്. താൻ ആണ് ചിത്രം പകർത്തി ഗ്രൂപ്പുകളിൽ അയച്ചതെന്നും ചെയ്തത് തെറ്റാണെന്നുമാണ് ബിജു പറയുന്നത്.
ബിജുവിന്റെ ഫോൺ നമ്പറിൽ നിന്നായിരുന്നു ചിത്രങ്ങൾ വാട്‌സാപ്പ് ഗ്രൂപ്പുകളിൽ അയച്ചത്. സംഭവത്തിൽ യുവതിയും കുടുംബവും സൈബർ പോലീസിൽ പരാതിപ്പെട്ടിരുന്നെങ്കിലും ഉദ്യോഗസ്ഥർ നടപടികൾ എടുത്തിരുന്നില്ല. പിന്നാലെ കുടുംബം മുഖ്യമന്ത്രിയ്‌ക്കും പരാതി നൽകിയിരുന്നു. ഇതിനിടെയാണ് ശബ്ദ സന്ദേശം പുറത്ത് വന്നിരിക്കുന്നത്. പട്ടിക ജാതി വിഭാഗത്തിൽപ്പെട്ട യുവതിക്ക് നീതി നിഷേധിക്കുന്നു എന്നാണ് പരാതി.
