റാന്നി : പണം പിൻവലിക്കാൻ ശ്രമിക്കുന്നതിനിടെ കുടുങ്ങിയ കാർഡ് പുറത്തെടുക്കുന്നതിനിടെ എടിഎം മെഷീന്റെ മുൻഭാഗം വേർപ്പെട്ടു. റാന്നി ഉതിമൂട് സ്വദേശി ചാർളി രാവിലെ 7 മണിക്കാണ് പണമെടുക്കാൻ ഫെഡറൽ ബാങ്ക് എടിഎമ്മിലെത്തിയത്. പണം പിൻവലിക്കുന്നതിനിടെ ഇയാളുടെ കാർഡ് കുടുങ്ങുകയും ഇത് പുറത്തെടുക്കാനുള്ള ശ്രമത്തിനിടെ എടിഎം മെഷീന്റെ മുൻവശം തകരുകയുമായിരുന്നു.
തുടർന്ന് ചാർളി പോലീസിനെയും ബാങ്ക് അധികൃതരെയും വിവരം ധരിപ്പിച്ചു. മോഷണ ശ്രമമല്ലെന്ന് പൊലീസ് പരിശോധനയിൽ വ്യക്തമായി.
