തിരുവനന്തപുരം : ഇന്ന് വൈകുന്നേരം അഞ്ചുമണിയോടെ ഫേസ്ബുക്കിൽ ലൈവിൽ വന്ന് സ്വപ്ന സുരേഷ് നടത്തിയ വെളിപ്പെടുത്തലുകൾ കേരളത്തിന്റെ രാഷ്ട്രീയ സാമൂഹ്യ രംഗത്ത് കൊടുങ്കാറ്റായി ആഞ്ഞു വീശുമെന്ന് ഉറപ്പായി. തന്നെ ഇന്റർവ്യൂ എന്ന പേരിൽ ബാംഗ്ലൂരിലെ ഹോട്ടലിൽ വിളിച്ചു വരുത്തി ഒത്തുതീർപ്പിനു ശ്രമിച്ചത് വിജയ് പിള്ള എന്ന ഒരാളാണ് എന്നാണ് സ്വപ്ന പറയുന്നത്. ഇതോടെ ആരാണ് വിജയ് പിള്ള എന്ന് കേരളക്കര മുഴുവൻ അന്വേഷിക്കുകയാണ്. വിജയ് പിള്ളയെ കുറിച്ച് ലഭ്യമായ വിവരങ്ങൾ താഴെ പങ്കുവെക്കുന്നു
ആന്തൂർ മുനിസിപ്പാലിറ്റി മൊറാഴ കടന്തേരി ചുഴലി ഭഗവതി ക്ഷേത്രത്തിന് സമയമാണ് ഇയാളുടെ വീട് എന്നാണ് അറിയാൻ സാധിക്കുന്നത്. സിപിഎം സംസ്ഥാന സെക്രട്ടറി എംവി ഗോവിന്ദന്റെ വീടിനടുത്താണ് ഇയാളുടെയും വീട്. എംവി ഗോവിന്ദന്റെ അടുത്ത സഹായിയാണ് ഇയാൾ എന്നാണ് പറയപ്പെടുന്നത്.ഓട്ടോ ഓടിച്ചു ജീവിച്ച അച്ഛന്റെയും പപ്പടം വിറ്റു ജീവനോപാദി കണ്ടെത്തിയ അമ്മയുടെയും മകനായി ഒരു ദരിദ്ര പശ്ചാത്തലത്തിൽ തന്റെ കുട്ടിക്കാലം തള്ളിനീക്കിയ ഇപ്പോൾ ഓഡി പോലുള്ള ആഡംബര കാറുകളിലാണ് കറക്കം എന്നാണ് ഞങ്ങളുടെ അന്വേഷണത്തിൽ അറിയാൻ സാധിച്ചത്.
