ലോസ് ഏഞ്ചൽസ്:ഓസ്‌കര്‍ വേദിയിലെ വിവാദമായ കൈയേറ്റം നടന്ന സംഭവത്തിൽ ഹോളിവുഡ് നടൻ വിൽ സ്മിത്തിനെ പത്തുവർഷത്തേക്ക് ചടങ്ങുകളിൽ പങ്കെടുക്കുന്നതിൽ നിന്ന് വിലക്കി ഓസ്കാർ അക്കാദമി. പത്തുവർഷത്തേക്ക് ഓസ്കാർ ദാന ചടങ്ങിൽ പങ്കെടുക്കുന്നതിൽ നിന്നാണ് വിൽ സ്മിത്തിനെ അധികൃതർ വിലക്കിയിരിക്കുന്നത്.
രണ്ടാഴ്ച മുൻപാണ് 94ാമത് ഓസ്‌കര്‍ പ്രഖ്യാപന ചടങ്ങിനിടെയാണ് വില്‍ സ്മിത്ത് അവതാരകനായ ക്രിസ് റോക്കിനെ അടിച്ചത്. ആലോപേഷ്യ രോഗ ബാധിതയായ തന്റെ ഭാര്യയെ അവതാരകൻ കളിയാക്കിയതാണ് വില്‍ സ്മിത്തിനെ ചൊടിപ്പിച്ചത്. മുന്നറിയിപ്പു നൽകിയിട്ടും, ക്രിസ് റോക്ക് പരിഹാസം തുടർന്നപ്പോഴാണ് വേദിയിലേക്ക് കയറി വിൽ സ്മിത്ത് അവതാരകന്റെ മുഖത്തടിച്ചത്. എന്നാൽ, സംഭവത്തെ തുടർന്ന് അധികം വൈകാതെ തന്നെ നടൻ ഓസ്കാർ അക്കാദമിയിൽ നിന്നും രാജിവച്ചിരുന്നു. പരസ്യമായി അദ്ദേഹം എല്ലാവരോടും മാപ്പപേക്ഷിക്കുകയും ചെയ്തു.തനിയ്ക്ക് നൽകുന്ന ഏത് ശിക്ഷയും സ്വീകരിക്കാന്‍ തയ്യാറാണെന്നും ഓസ്‌കര്‍ വേദിയിലെ തന്റെ പെരുമാറ്റം മോശമായിപ്പോയെന്നും, തനിയ്ക്കുമേൽ അക്കാദമി അര്‍പ്പിച്ച വിശ്വാസം നിലനിർത്താൻ കഴിഞ്ഞില്ലെന്നും വിൽസ്മിത്ത് അന്ന് പറഞ്ഞു
