മുംബൈ: ശ്രീമദ് ഭഗവദ്ഗീത തന്നെ വളരെയധികം സ്വാധീനിച്ചുവെന്ന് ഹോളിവുഡ് താരം വില് സ്മിത്ത്. തന്റെ വരാനിരിക്കുന്ന ചിത്രമായ ‘ബ്രൈറ്റ്’ന്റെ പ്രമോഷനായി ഇന്ത്യയിലെത്തിയ അദ്ദേഹം കഴിഞ്ഞ ദിവസം മുംബൈയില് മാധ്യമപ്രവര്ത്തകരോട് സംസാരിക്കുകയായിരുന്നു. ഇത് മുംബൈയിലേക്കുള്ള തന്റെ മൂന്നാം സന്ദര്ശനമാണെന്നും അദ്ദേഹം പറഞ്ഞു.
ഭഗവദ്ഗീത 90% വായിച്ചിട്ടുണ്ടെന്നും അര്ജ്ജുനന് ഏറെ സ്വാധീനം ചെലുത്തിയെന്നും അദ്ദേഹം പറഞ്ഞു. ഭാരതത്തിന്റെ ചരിത്രത്തെയും ഭഗവദ്ഗീതയും ഞാന് സ്നേഹിക്കുന്നു. ഈ രാജ്യത്ത് താമസിക്കാനും തനിക്ക് ആഗ്രഹമുണ്ടെന്ന് സ്മിത്ത് വ്യക്തമാക്കി. അടുത്ത് തന്നെ താന് ഋഷികേശ് സന്ദര്ശിക്കുമെന്നും ബോളിവുഡ് താരം പറഞ്ഞു.
ബോളിവുഡ് നടന് അക്ഷയ് കുമാറുമയുള്ള സൗഹൃദത്തെ കുറിച്ചും സ്മിത്ത് പറഞ്ഞു. കഴിഞ്ഞ സന്ദര്ശന വേളയില് അക്ഷയ് കുമാറുമൊത്താണ് താന് അത്താഴം കഴിച്ചതെന്നും ഇന്ത്യന് ഭക്ഷണം തനിക്ക് വളരെ ഇഷ്ടമാണെന്നും അദ്ദേഹം പറഞ്ഞു. രണ്ടുതവണ ഓസ്കാര് നോമിനിയും ഗ്രാമി പുരസ്കാര ജേതാവുമാണ് വില് സ്മിത്ത്.