വനിതാ ഐ പി എൽ തുടങ്ങുന്നതിന്റെ ആവേശത്തിലാണ് ക്രിക്കറ്റ് പ്രേമികൾ. വനിതാ ഐപിഎല്ലിൻ്റെ പ്രഥമ എഡിഷനിൽ ലേലപ്പട്ടികയിൽ 409 താരങ്ങലാണുള്ളത്. ഇവരിൽ 246 പേർ ഇന്ത്യൻ താരങ്ങളും 163 പേർ വിദേശ താരങ്ങളുമാണ്. ലേലത്തിൽ 1525 താരങ്ങളാണ് രജിസ്റ്റർ ചെയ്തത്. ഇതിൽ നിന്നുമാണ് 409 താരങ്ങളുടെ പട്ടിക തയ്യാറാക്കിയത്. ഈ മാസം 13ന് മുംബൈയിലാണ് താരലേലം നടക്കുക. മാർച്ച് 4 ന് വനിതാ പ്രീമിയർ ലീഗ് ആരംഭിക്കും.
ഇതുവരെ ദേശീയ ജഴ്സിയിൽ കളിക്കാത്ത 199 താരങ്ങളാണ് പട്ടികയിലുള്ളത്. 8 പേർ അസോസിയേറ്റ് രാജ്യങ്ങളിലെ അംഗങ്ങളാണ് . 90 താരങ്ങളെയാണ് ആകെ ലേലാത്തിൽ എടുക്കുക. ഇവരിൽ 30 പേർ വിദേശ താരങ്ങളായിരിക്കും. 50 ലക്ഷം രൂപയാണ് ഏറ്റവും ഉയർന്ന അടിസ്ഥാനവില. ഈ പട്ടികയിലുള്ള ഇന്ത്യൻ താരങ്ങളാണ് ഹർമൻപ്രീത് കൗർ, സ്മൃതി മന്ദന, ഷഫാലി വർമ എന്നിവർ സോഫി ഡിവൈൻ, എലിസ് പെറി, അലിസ ഹീലി, മെഗ് ലാനിങ്ങ്, ദേന്ദ്ര ഡോട്ടിൻ തുടങ്ങിയവർ ഈ പാട്ടികയിലുള്ള വിദേശ താരങ്ങളാണ്.
