ദുബൈ: ദുബൈയില് മരിച്ച വ്ലോഗറും ആല്ബം താരവുമായ റിഫ മെഹ്നുവിന്റെ മൃതദേഹം വ്യാഴാഴ്ച ദുബൈയില് നിന്നും നാട്ടിലെത്തിക്കും. ബുധനാഴ്ച രാത്രി 11ന് ഷാര്ജയില് നിന്ന് കോഴിക്കോട്ടേക്ക് പോകുന്ന വിമാനത്തിലാണ് മൃതദേഹം നാട്ടിലെത്തിക്കുക.
തിങ്കളാഴ്ച ഉച്ചയോടെയാണ് സംഭവം. ആത്മഹത്യാ സൂചന നൽകി ഇവർ ചിലർക്ക് കൈമാറിയ സന്ദേശം പൊലീസിന് ലഭിച്ചിട്ടുണ്ട്. സംഭവ ദിവസം യുവതിയുടെ സുഹൃത്തും വീട്ടിലുണ്ടായിരുന്നു. ഇയാള് ഭക്ഷണം വാങ്ങാനായി പോയി തിരിച്ചുവന്നപ്പോള് വാതില് അകത്തു നിന്ന് പൂട്ടിയ നിലയിലായിരുന്നു. ഫോണില് വിളിച്ചിട്ടും എടുക്കാതെയായതോടെ വാതില് ചവിട്ടിത്തുറന്ന് അകത്തു കയറുകയായിരുന്നു.
തുടര്ന്ന് നേഹയെ ഫാനില് തൂങ്ങിയ നിലയില് കണ്ടെത്തുകയായിരുന്നു. ഉടന് തന്നെ പൊലീസില് വിവരമറിയിച്ചു. പോലീസ് അന്വേഷണം ആരംഭിച്ചു. ഭര്ത്താവ് മെഹ്നുവിനൊപ്പമായിരുന്നു താമസം. കഴിഞ്ഞ മാസമാണ് റിഫ ദുബൈയില് എത്തിയത്. ഫാഷൻ, വ്യത്യസ്ത ഭക്ഷണങ്ങൾ സംസ്കാരങ്ങൾ എന്നിവയായിരുന്നു റിഫയുടെ വ്ളോഗിലെ ഉള്ളടക്കങ്ങൾ. തിങ്കളാഴ്ച രാത്രി വരെ സോഷ്യല് മീഡിയയില് സജീവമായിരുന്നു.