ചെന്നൈ : തന്റെ അച്ഛന് കോവിഡ് സ്ഥിരീകരിച്ചിരുന്നതായി തമിഴ് നടന്‍ വിശാല്‍. അച്ഛനെ പരിചരിക്കാന്‍ നിന്നതോടെ തനിക്കും രോഗലക്ഷണങ്ങളുണ്ടായതായി നടൻ പറയുന്നു. തന്റെ ഫേസ്ബുക്ക് കുറിപ്പിലൂടെയാണ് വിശാൽ ഇക്കാര്യം ആരാധകരെ അറിയിച്ചിരിക്കുന്നത്. തു‌ട‌ര്‍ന്ന് ആയൂര്‍വേദ മരുന്നുകള്‍ കഴിച്ചെന്നും, ഒരാഴ്ച കൊണ്ട് അപകടനില തരണം ചെയ്തുവെന്നും അദ്ദേഹം ഫേസ്ബുക്കിൽ കുറിച്ചു.ഇക്കാര്യം ആരാധകരുമായി പങ്കുവെയ്ക്കുന്നതില്‍ സന്തോഷമുണ്ടെന്നും പറഞ്ഞാണ് വിശാലിന്റെ ഫേസ്ബുക്ക് പോസ്റ്റ് അവസാനിക്കുന്നത്.
ഫേസ്ബുക്ക് കുറിപ്പിന്റെ പൂർണ രൂപം ഇങ്ങനെ :
‘അതെ സത്യമാണ്, എന്റെ അച്ഛന് കോവിഡ് സ്ഥിരീകരിച്ചിരുന്നു. അദ്ദേഹത്തെ പരിചരിക്കാന്‍ നിന്നതോടെ എനിക്കും രോഗലക്ഷണങ്ങളുണ്ടായി. പനി, ജലദോഷം, കഫക്കെട്ട് എന്നീ ലക്ഷണങ്ങളെല്ലാം എനിക്കുണ്ടായിരുന്നു. കൂടാതെ എന്റെ മാനേജരിലും ഇതേ ലക്ഷണങ്ങള്‍ ഉണ്ടായി. ഞങ്ങളെല്ലാവരും ആയുര്‍വേദ മരുന്നുകള്‍ കഴിച്ചു. ഒരാഴ്‌ചകൊണ്ട് അപകടനില തരണം ചെയ്‌തു. ഇപ്പോള്‍ ഞങ്ങള്‍ ആരോഗ്യവാന്മാരാണ്. ഇക്കാര്യം നിങ്ങളുമായി പങ്കുവയ്‌ക്കുന്നതില്‍ സന്തോഷമുണ്ട്. ‘വിശാല്‍ ഫേസ്ബുക്കില്‍ കുറിച്ചു.
