കൊച്ചി :കൊറോണ വൈറസിനെ തുരത്താനുള്ള ജാഗ്രതയിലാണ് ഇപ്പോള്‍ ലോകം മുഴുവന്‍. ഈ സാഹചര്യത്തില്‍ ഇന്ത്യയില്‍ പ്രഖ്യാപിച്ച ലോക് ഡൗണിനോട് ആത്മാര്‍ത്ഥമായിതന്നെയാണ് ഭൂരിഭാഗം ജനങ്ങളും സഹകരിക്കുന്നത്. കേ രളത്തിലെ സാഹചര്യത്തില്‍ ഇപ്പോള്‍ തെരുവുകളെല്ലാം വിജനമാണ്. അത്യാവശ്യകാര്യങ്ങള്‍ക്ക് മാത്രമായിട്ടാണ് ആളുകള്‍ കടകളിലേക്കുംമറ്റും ഇറങ്ങുന്നത്. എല്ലാ ഇടങ്ങളിലുംതന്നെ പോലീസ് നിരീക്ഷണം ഏര്‍പ്പെടുത്തിയിട്ടുണ്ട്.
ചിലര്‍ രാത്രിയിലും പകലും പോലീസിന്റെ കണ്ണുവെട്ടിച്ച്‌ പുറത്തിറങ്ങുന്നു. എന്നാല്‍ ഇത്തരത്തില്‍ പുറത്തിറങ്ങിയ യുവാവിന് കിട്ടിയ പണിയാണ് ഇപ്പോള്‍ വൈറലായിരിക്കുന്നത്.
പൊലിസുകാര്‍ ഈ യുവാവിനെക്കൊണ്ട് ഇരുപത്തിയഞ്ച് സുഹൃത്തുക്കളെ വിളിപ്പിക്കുകയും കൊറോണയാണ് അനാവശ്യമായി പുറത്തിറങ്ങരുതെന്ന് പറയിപ്പിക്കുകയും ചെയ്യുന്നതാണ് വീഡിയോ.
