തിരുവനന്തപുരം: സെക്രട്ടേറിയറ്റ്, പിഎസ്സി എന്നിവിടങ്ങളിലെ കംപ്യൂട്ടര്‍ അസിസ്റ്റന്റ് ഗ്രേഡ്2 റാങ്ക്‌ലിസ്റ്റിന് ബാക്കിയുള്ളത് 3 മാസം കാലാവധി. ജൂലൈ 12നാണ് മൂന്നു വര്‍ഷത്തെ കാലാവധി പൂര്‍ത്തിയാക്കി ലിസ്റ്റ് അവസാനിക്കുന്നത്. അതേ സമയം റാങ്ക്‌ലിസ്റ്റുകളുടെ കാലാവധി നീട്ടിക്കൊണ്ടുള്ള ഉത്തരവ് ഈ ലിസ്റ്റിനു ബാധകമാകില്ല. 383 പേര്‍ക്കാണ് ഈ ലിസ്റ്റില്‍ നിന്ന് ഇതുവരെ നിയമനശുപാര്‍ശ നല്‍കിയിട്ടുള്ളത്.
ഓപ്പണ്‍ മെറിറ്റില്‍ 268ാം റാങ്ക് വരെയുള്ള എല്ലാവരെയും നിയമനത്തിന് ശുപാര്‍ശ ചെയ്തു. ലിസ്റ്റിലെ സംവരണ വിഭാഗത്തില്‍പെട്ടവരുടെ നിയമന വിവരങ്ങള്‍ ഇനി പറയുന്നു: ഈഴവ 277 വരെ, എസ്സി 850 വരെ, എസ്ടി സപ്ലിമെന്ററി 12 വരെ, മുസ്ലിം 351 വരെ, ലത്തീന്‍ കത്തോലിക്കര്‍ 320 വരെ, ഒബിസി 270എ വരെ, എസ്സിസിസി സപ്ലിമെന്ററി 2 വരെ. വിശ്വകര്‍മ, എസ്ഐയുസി നാടാര്‍, ഹിന്ദു നാടാര്‍ വിഭാഗങ്ങളില്‍ ഓപ്പണ്‍ മെറിറ്റിനുള്ളിലുള്ളവരെ മാത്രമേ നിയമന ശുപാര്‍ശ ചെയ്തിട്ടുള്ളൂ.
