ആലപ്പുഴ: സംസ്ഥാനത്ത് സൗജന്യ ഭക്ഷ്യക്കിറ്റ് വിതരണം ഇന്ന് മുതല്‍ ആരംഭിക്കും. റേഷന്‍കട വഴിയാണ് കിറ്റ് വിതരണം. അതേസമയം, മറ്റ് റേഷന്‍ സാധനങ്ങള്‍ വാങ്ങുന്നതുപോലെ ഭക്ഷ്യകിറ്റ് സംസ്ഥാനത്ത് എവിടെയുമുള്ള റേഷന്‍ കടകളില്‍ നിന്നും വാങ്ങാന്‍ കഴിയില്ല. ഭക്ഷ്യക്കിറ്റ് കിട്ടാന്‍ ഇനി ഓരോ കുടുംബവും തങ്ങളുടെ കാര്‍ഡുള്‍പ്പെട്ട റേഷന്‍ കടകളിലെത്തണം.
ഓരോ കാര്‍ഡുകള്‍ക്ക് ഘട്ടം ഘട്ടമായാണ് സൗജന്യ ഭക്ഷ്യകിറ്റുകള്‍ വിതരണം ചെയ്യുക. ഇന്ന് ആദിവാസിവിഭാഗക്കാരായ എഎവൈ (മഞ്ഞക്കാര്‍ഡ്) വിഭാഗക്കാര്‍ക്കാണ് കിറ്റ് നല്‍കുക. 11 മുതല്‍ ബാക്കിയുള്ള എഎവൈ വിഭാഗത്തിനു കിറ്റ് നല്‍കും. ഇതിനുശേഷം മുന്‍ഗണനാ വിഭാഗങ്ങള്‍ക്ക് (പിങ്ക് കാര്‍ഡ്) നല്‍കും. തുടര്‍ന്നായിരിക്കും പൊതുവിഭാഗങ്ങള്‍ക്ക് (നീല, വെള്ള കാര്‍ഡുകള്‍) കിറ്റ് നല്‍കുക.
