ജാര്ഖണ്ഡ് : കൊറോണ വൈറസ് ബാധയേറ്റ് ചികിത്സയില് കഴിഞ്ഞിരുന്ന രോഗികളുടെ വാര്ഡില് ജോലി ചെയ്തിരുന്ന ഡോക്ടര് ദമ്പതികള് രാജിവച്ചു.ഡോക്ടര് അലോക്ക് ടിര്ക്കിയും ഭാര്യയുമാണ് ജോലിയില് നിന്നും രാജിവച്ചത്.വാട്സാപ്പ് സന്ദേശത്തിലൂടെയാണ് ഇരുവരും തങ്ങളുടെ രാജി അറിയിച്ചത്. ആരാേഗ്യ സെക്രട്ടറിയുടെ നിര്ദേശ പ്രകാരം ഇവര് 24 മണിക്കൂറിനുളളില് ജോലിയില് പ്രവേശിച്ചില്ലെങ്കില് കര്ശന നടപടിയുണ്ടാകുമെന്നും അധികൃതര് അറിയിച്ചു.1897 ലെ പകര്ച്ച വ്യാധി നിയമ പ്രകാരം ഇവര്ക്ക് എതിരെ കേസെടുക്കുമെന്നും ഇന്ത്യന് മെഡിക്കല് കൗണ്സിലിലെ ഇവരുടെ അംഗത്വം റദ്ദ് ചെയ്യുമെന്നും ആരോഗ്യ വകുപ്പ് അധികൃതര് മുന്നറിയിപ്പ് നല്കി.
തിങ്കളാഴ്ച്ച രാത്രിയാണ് ഇവര് വാട്സാപ്പിലൂടെ രാജി സന്ദേശം നല്ക്കുന്നത്. തുടര്ന്ന് ചൊവ്വാഴ്ച രാവിലെയോടെ മെയില് ചെയ്തു. തന്റെ ഭാര്യയായ ഡോക്ടര് സൗമ്യയുടെ ആരോഗ്യ പ്രശ്നങ്ങള് കാരണമാണ് ജോലി ഉപേക്ഷിക്കുന്നത് എന്നാണ് ഡോക്ടര് അലോക്ക് ടിര്ക്കി രാജി കത്തില് പറയുന്നത്.സര്ദാര് ആശുപത്രിയിലെ 23 ഡോക്ടര്മാരില് ആരും തന്നെ കൊറോണ കാലത്ത് ജോലിയില് നിന്നും വിട്ടു നിന്നിട്ടില്ല.
അതേസമയം ആശുപത്രി രാഷ്ട്രീയത്തിന്റെ ഇരയാണ് താന് എന്ന് ഡോക്ടര് അലോക്ക് ടിര്ക്കി പറയുന്നു. ഭാര്യയുടെയും സഹോദരിയുടെയും ആരോഗ്യ പ്രശ്നങ്ങള് കാരണമാണ് ജോലി ഉപേക്ഷിച്ചത്. കൊറോണ വാര്ഡില് ജോലി ചെയ്യാന് വേണ്ട സുരക്ഷ മുന്കരുതലിന് ആവശ്യമായ സാധനങ്ങള് ഒന്നും തനിക്ക് ലഭിച്ചിരുന്നില്ലെന്നാണ് ഡോക്ടര് അലോക്ക് ടിര്ക്കിയുടെ ആക്ഷേപം.അല്ലാതെ കൊറോണ രോഗികളെ ചികിത്സിക്കുന്നതില് ബുദ്ധിമുട്ടുണ്ടായിട്ടില്ലെന്നും, തനിക്ക് മാത്രം കൊറോണ വാര്ഡില് ജോലി നല്കുന്നുവെന്നും മറ്റുളള ഡോക്ടര്മാര്ക്ക് നല്കുന്നില്ലെന്നും ഡോക്ടര് അലോക്ക് ടിര്ക്കി കുറ്റപ്പെടുത്തി.