ചേർത്തല : ടി വി ബാബുവിന്റെ ബാധ്യതകൾ ഏറ്റെടുത്ത് ബി ഡി ജെ എസ്. ഭാരത് ധർമജന സേനയോടൊപ്പം പ്രവർത്തിച്ച ആളാണ് ടി വി ബാബു. ഇദ്ദേഹത്തിന് വിവിധ ബാങ്കുകളിൽ ലക്ഷങ്ങൾ ബാധ്യതയുണ്ടെന്നും ഈ ബാധ്യതകൾ പാർട്ടി ഏറ്റെടുക്കുമെന്നും പാർട്ടി സംസ്ഥാന അധ്യക്ഷൻ തുഷാർ വെള്ളാപ്പള്ളി ഫേസ്ബുക്ക് പോസ്റ്റിലൂടെ അറിയിച്ചു.
കൂടാതെ അദേഹത്തിന്റെ വീട് വാസയോഗ്യമാക്കാൻ ബി ഡി ജെ എസ് തൃശ്ശൂർ ജില്ലാ കമ്മിറ്റിയെ ചുമതലപ്പെടുത്തി എന്നും അദ്ദേഹം ഫേസ്ബുക്കിൽ കുറിച്ചു. ടി വി ബാബുവിന്റെ മകന് സ്ഥിരജോലിയും ഏർപ്പെടുത്തുമെന്നും അദ്ദേഹം വ്യക്തമാക്കി.
