ലോക്ക്ഡൗൺ വേളകൾ ആനന്ദകരമാക്കാൻ വേണ്ടി തത്വമയി ടി വി ഓൺലൈനായി സംഘടിപ്പിക്കുന്ന ലോക്ക്ഡൗൺ കോണ്ടസ്റ്റുകൾ അവസാന ഘട്ടത്തിലേക്ക്. ലോക് ഡൗണിൽ ഒന്നും ചെയ്യാനില്ലാതെ വീട്ടിലിരിക്കുന്നവർക്കുവേണ്ടി രണ്ട് മത്സരങ്ങളാണ് തത്വമയി ടി വി നടത്തുന്നത്. പാട്ടുപാടൂ, ബോറടി മാറ്റൂ, ഒപ്പം സമ്മാനവും നേടൂ എന്ന ഗാനാലാപന മത്സരവും കൊറോണ പ്രതിരോധത്തിനായി ഷോർട്ട് ഫിലിം തയ്യാറാക്കാം എന്ന മത്സരവുമാണ് വലിയ പ്രേക്ഷക പങ്കാളിത്തത്തോടെ മുന്നേറുന്നത്. നൂറുകണക്കിന് എൻട്രികളാണ് ദിവസേന വാട്സാപ്പ് വഴി ലഭിക്കുന്നത്.
രണ്ട് മത്സരങ്ങളിലേക്കും എൻട്രികൾ സമർപ്പിക്കാനുള്ള അവസാന തീയതി ഏപ്രിൽ 30 ആണ്. വാട്സാപ്പ് വഴിയാണ് എൻട്രികൾ സമർപ്പിക്കേണ്ടത്. ഗാനാലാപന മത്സരത്തിൽ പങ്കെടുക്കാൻ നിങ്ങൾ മുഴുവനായി ആലപിച്ച ഗാനത്തിൻ്റെ വീഡിയോ ക്ലിപ്പാണ് അയയ്‌ക്കേണ്ടത്. ഷോർട്ട് ഫിലിം മത്സരത്തിലേക്ക് നിങ്ങൾ നിർമിച്ച 3 മിനിറ്റ് മുതൽ 5 മിനിറ്റ് വരെ ദൈർഖ്യമുള്ള വീഡിയോ അയയ്ക്കുക.
വാട്സാപ്പിൽ എൻട്രികൾ അയക്കേണ്ട നമ്പർ ഇതാണ്, 73567 64925. എൻട്രികൾക്കൊപ്പം നിങ്ങളുടെ പേരും സ്ഥലവും ഒപ്പം അയയ്ക്കാൻ ശ്രദ്ധിക്കുക. എൻട്രികൾ അയക്കുമ്പോൾ ഏത് മത്സരത്തിലേക്കാണെന്ന് പ്രത്യേകം രേഖപ്പെടുത്തുക. പാട്ടുപാടൂ ബോറടി മാറ്റൂ മത്സരത്തിൽ പങ്കെടുക്കാൻ എൻട്രികൾ അയയ്ക്കുമ്പോൾ #lockdowncontest എന്നും ഷോർട്ട് ഫിലിം മത്സരത്തിലേക്കുള്ള എൻട്രികൾ അയയ്ക്കുമ്പോൾ #shortfilmcontest എന്നും മെസേജായി ഒപ്പം അയയ്ക്കുക.
രണ്ട് മത്സരങ്ങളിലെയും വിജയികൾക്ക് ക്യാഷ് അവാർഡാകും നൽകുക. പാട്ടുപാടൂ ബോറടി മാറ്റൂ മത്സരത്തിൽ ഒന്നാം സമ്മാനം 5001 രൂപയാണ്. ഇതുകൂടാതെ 2501 രൂപയുടെ രണ്ടാം സമ്മാനവും, 1001 രൂപയുടെ രണ്ടാം സമ്മാനവും നൽകുന്നു.
