ദില്ലി : രാജ്യത്ത് ലോക്ക്ഡൗണിനെത്തുടര്‍ന്ന് ഇന്ത്യയില്‍ കുടുങ്ങിയ 193 പാക് പൗരന്മാര്‍ക്ക് തിരിച്ചുമടങ്ങാന്‍ കേന്ദ്രാനുമതി. രാജ്യത്ത് പത്ത് സംസ്ഥാനങ്ങളിലെ 25 ജില്ലകളിലാണ് പാക് പൗരന്മാര്‍ കുടുങ്ങിയിരിക്കുന്നത്. ഇവരെ മെയ് അഞ്ചിന് അടാരി-വാഗ അതിര്‍ത്തിയില്‍ എത്തിക്കണമെന്ന് കേന്ദ്രസര്‍ക്കാര്‍ സംസ്ഥാനങ്ങള്‍ക്ക് നിര്‍ദേശം നല്‍കി.
ഇവര്‍ക്ക് തിരിച്ചുപോകാനുള്ള നടപടി സ്വീകരിക്കണമെന്ന് ഇന്ത്യയിലെ പാക് ഹൈക്കമ്മീഷന്‍ അഭ്യര്‍ഥിച്ചിരുന്നു. ഇതേത്തുടര്‍ന്നാണ് വിദേശകാര്യമന്ത്രാലയം നടപടികള്‍ സ്വീകരിച്ചത്.മഹാരാഷ്ട്ര, പശ്ചിമ ബംഗാള്‍, മധ്യപ്രദേശ്, ഗുജറാത്ത്, രാജസ്ഥാന്‍, ഛത്തീസ്ഗഢ്, യു.പി, ഹരിയാന, പഞ്ചാബ്, ഡല്‍ഹി എന്നീ സംസ്ഥാനങ്ങളില്‍ കുടുങ്ങിയ പാക് പൗരന്മാര്‍ക്കാണ് തിരിച്ചുമടങ്ങാനുള്ള അവസരം ഒരുക്കുന്നത് .
