തിരുവനന്തപുരം: കൊറോണ വൈറസ് ബാധയ്‌ക്കെതിരെ പ്രധാനമന്ത്രി ആഹ്വാനം ചെയ്ത ജനത കർഫ്യൂവിന് തുടക്കമായി. രാവിലെ 7മുതൽ രാത്രി 9മണി വരെയാണ് ജനത കാർഫ്യൂ.
ജനങ്ങള്‍ ജനങ്ങള്‍ വേണ്ടി നടത്തുന്ന ജനത കര്‍ഫ്യു അതിന്റെ എല്ലാ പ്രാധാന്യത്തോടെയും ജനങ്ങള്‍ ഏറ്റെടുത്തിരിക്കുകയാണ്. ജനങ്ങള്‍ രാത്രി 9 വരെ പുറത്തിറങ്ങരുതെന്നാണ് നിര്‍ദ്ദേശം. നഗരങ്ങളെല്ലാം നിശ്ചലമായ അവസ്ഥയിലാണ്. കടകമ്പോളങ്ങൾ പൂര്‍ണമായും അടച്ചിട്ടിരിക്കുകയാണ്. ആംബുലന്‍സ് ഉള്‍പ്പെടെയുള്ള ആവശ്യ വാഹനങ്ങള്‍ ഉണ്ട്.
വിമാനത്താവളങ്ങളിലും മറ്റും ഒഴിഞ്ഞു കിടക്കുന്ന സ്ഥിതി ആണുള്ളത്. പാസഞ്ചര്‍ ട്രെയിനുകള്‍ എല്ലാം തന്നെ റദ്ധാക്കിയിരിക്കുകയാണ്. കെഎസ്‌ആര്‍ ടി സി, സ്വകാര്യ ബസുകള്‍ സര്‍വീസ് നടത്തില്ല.
