ബഹ്റൈനിൽ സാധുവായതും കാലാവധി കഴിഞ്ഞതുമായ എല്ലാ സന്ദർശക വിസകളുടെയും കാലാവധി മൂന്ന് മാസത്തേക്ക് കൂടി നീട്ടി. നാഷണാലിറ്റി, പാസ്പോർട്ട്സ് ആൻറ് റസിഡൻസ് അഫയേഴ്സ് (എൻ.പി.ആർ.എ) ആണ് ഇക്കാര്യം അറിയിച്ചത്.കോവിഡ് രോഗ വ്യാപനം സ്യഷ്ടിച്ച പ്രത്യാഘാതങ്ങൾ കണക്കിലെടുത്താണ് തീരുമാനം.
ജൂലൈ 21 മുതൽ ഒക്ടോബർ 21 വരെയാണ് ഇതിന് പ്രാബല്യമുണ്ടാകുക.എല്ലാ സന്ദർശക വിസകളും അപേക്ഷ കൂടാതെ തന്നെ പുതുക്കപ്പെടും.ഒക്ടോബർ 21ന് ശേഷവും ബഹ്റൈനിൽ തങ്ങാൻ ആഗ്രഹിക്കുന്ന സന്ദർശകർക്ക് ഇ-വിസ പോർട്ടൽ വഴി വിസ പുതുക്കുന്നതിന് അപേക്ഷിക്കാം.