കോവിഡ് -19 എന്ന മഹാമാരിയുടെ പശ്ചാത്തലത്തിൽ ഇന്ത്യയിലെ സൂപ്പർ താരങ്ങൾ ഒന്നിക്കുന്ന മൾട്ടി സ്റ്റാർ ഷോർ‌ട്ട് ഫിലിം പുറത്തിറങ്ങി . മമ്മൂട്ടി, മോഹൻലാൽ, അമിതാഭ് ബച്ചൻ, രജനികാന്ത്, രൺബീർ കപൂർ, ചിരഞ്ജീവി, ആലിയ ബട്ട്, പ്രിയങ്ക ചോപ്ര തുടങ്ങി ഇന്ത്യയിലെ പ്രശസ്ത താരങ്ങൾ അണിനിരക്കുന്ന ഷോർട് ഫിലിം സിനിമയിലെയും സ്വർണാഭരണ നിർമ്മാണ മേഖലയിലെയും ദിവസവേതനക്കാരെ സഹായിക്കുന്നതിനു വേണ്ടിയാണ് പുറത്തിറക്കിയിരിക്കുന്നത്.ഈ ഷോർട് ഫിലിം ഇപ്പോൾ സമൂഹ മാധ്യമങ്ങളിൽ വൈറലായി മാറിക്കൊണ്ടിരിക്കുകയാണ് “മെയ്ഡ് അറ്റ് ഹോം” എന്ന ഈ ഷോർട് ഫിലിം അമിതാഭ് ബച്ചൻ പ്രഖ്യാപിച്ച “We are one” പദ്ധതിയുടെ ഭാഗമായാണ് പുറത്തിറക്കിയിരിക്കുന്നത്.
അമിതാഭ് ബച്ചൻ തന്റെ സൺഗ്ലാസ് തപ്പുന്നതാണ് വിഡിയോയുടെ പ്രമേയം. . ‘നിന്നെ കൊണ്ട് വല്യ ശല്യമായല്ലോ രൺബീറെ’ എന്ന രസികൻ ഡയലോഗാണ് മമ്മൂട്ടി വിഡിയോയിൽ പറയുന്നത്. കൂടാതെ അദ്ദേഹം രജനികാന്തിനോട് ആശാനെ ഒരു ഗ്ലാസ് അമിതാഭ് ജിക്ക് കൊടുക്കാൻ പറയുന്നുമുണ്ട്.
രാജ്യത്തിന്റെ വിവിധ ഭാഗങ്ങളിൽ ഇരുന്നാണ് താരങ്ങൾ വിഡിയോയ്ക്കായി ഒന്നിച്ചത്. പ്രസൂൺ പാണ്ഡെയാണ് വി‍ഡിയോ ഒരുക്കിയിരിക്കുന്നത്.
