പള്ളിക്കര: കഞ്ചാവുമായി രണ്ട് അന്യ സംസ്ഥാന തൊഴിലാളികള് പോലീസ് പിടിയില്. ഒഡീഷ സ്വദേശികളായ രുദ്രപ്രസാദ്(23), സുകൃത് കുമാര് (21) എന്നിവരെയാണ് പൊലീസ് പിടികൂടിയത്.
കരിമുകള് മാര്ക്കറ്റില് നിന്നാണ് പ്രതികളെ അമ്ബലമേട് പൊലീസ് പിടികൂടിയത്. മൂന്ന് കിലോ കഞ്ചാവ് ആണ് ഇവരില് നിന്ന് കണ്ടെടുത്തത്. തൃക്കാക്കര അസി. കമീഷണര്ക്ക് കിട്ടിയ രഹസ്യനിര്ദേശത്തെ തുടര്ന്ന് അമ്ബലമേട് എസ്.എച്ച്.ഒ ലാല്സി ബേബിയുടെ നേതൃത്വത്തില് ആണ് പ്രതികളെ പിടികൂടിയത്.
എസ്.ഐ. തോമസ് പള്ളന്, എ.എസ്.ഐമാരായ പോള് വര്ഗീസ്, സി.വി. ജോഷി, ടി.പി. റെജി, എസ്.സി.പി.ഒ എം.ടി. സുധീഷ്, സി.പി.ഒ മാരായ പി.കെ. സുമേഷ്, പ്രവീണ്, ഏലിയാസ്, അമ്ബിലാഷ് എന്നിവരടങ്ങുന്ന അന്വേഷണ സംഘമാണ് പ്രതികളെ അറസ്റ്റ് ചെയ്തത്. പ്രതികളെ കോടതിയില് ഹാജരാക്കി റിമാന്ഡ് ചെയ്തു.
