കണ്ണൂര്‍: തളിപ്പറമ്പ് കൂര്‍ഗ് ബോര്‍ഡര്‍ റോഡില്‍ ബൈക്കും സ്കൂട്ടറും കൂട്ടിയിടിച്ച് അപകടം. സംഭവത്തിൽ രണ്ട് യുവാക്കള്‍ക്ക് ദാരുണാന്ത്യം. ബുധനാഴ്ച്ച രാത്രി പത്തു മണിയോടെ കാഞ്ഞിരങ്ങാട് ആര്‍ടിഒ ഗ്രൗണ്ടിന് സമീപത്ത് വെച്ചായിരുന്നു അപകടം നടന്നത്.
സംഭവസ്ഥലത്തു വച്ചുതന്നെ സ്കൂട്ടര്‍ യാത്രക്കാരനായ നടുവില്‍ സ്വദേശി കാഞ്ഞിരത്തുങ്കല്‍ നിസാമുദ്ദീന്‍ മരിച്ചിരുന്നു. രാത്രി വൈകി കണ്ണൂര്‍ സ്വകാര്യ ആശുപത്രിയിൽ വച്ച്‌ ബൈക്ക് യാത്രക്കാരനും കൂവേരി സ്വദേശിയുമായ അബിന്‍ രാജ് മരണപ്പെടുകയായിരുന്നു.
അബിന്‍ രാജിനൊപ്പം യാത്ര ചെയ്തിരുന്ന അഭിനന്ദ് ഗുരുതരാവസ്ഥയില്‍ ചികിത്സയിലാണ്. അപകടത്തില്‍ മരിച്ച നിസാമുദ്ദീന്‍ ഒരു സ്വകാര്യ സ്ഥാപനത്തില്‍ ജോലി ചെയ്തുവരികയായിരുന്നു.
